O goberno local coida insuficientes as obras de reforma que a Xunta está a desenvolver nos IES San Tomé e Santa Irene. O alcalde contrastou a falta de compromiso desta administración coa inversión municipal en centros educativos, que supera os 25 millóns nos últimos tres anos.
O Concello adica 164.000 euros anuais a prestar un servizo de atención a domicilio a menores de 12 anos, para favorecer a formación e o emprego das nais en situación de dificultade socioeconómica. Por outra banda, o alcalde informou da aprobación dun convenio con CC.OO. por valor de 36.000 euros.
O alcalde anunciou esta mañá unhas xornadas de orientación e asesoramento educativo para estudantes que empezan a ter que tomar decisións sobre o seu futuro académico. A cita será o luns 13 de xuño no Auditorio Mar de Vigo.
A Policía Local prosegue coas xornadas de educación viaria que imparte en centros de Primaria da cidade. Unha vez superada a pandemia, a previsión é achegar esta formación a uns 10.000 alumnos, igual que no ano 2019.
As subvencións municipais, que se rubricarán en sendos convenios, benefician a tres entidades da cidade e xa foron aprobadas pola Xunta de Goberno Local. Segundo explicou Abel Caballero este venres, o Concello apoia con esta contía á Orquestra Vigo 430, á formación clásica xuvenil KV2211 e á Fundación Carlos Casares.
250 nenas e nenos de entre 4 e 11 anos dos colexios Otero Pedrayo, Balaídos e do IES Santo Tomé participaron este xoves no Auditorio Municipal no Correlingua 2022. Un acto que quere dar pulo á lingua e sensibilizar sobre o uso do galego entre a xente máis nova. O alumnado leu o manifesto titulado “Fálame” ante os presentes e con varios centros educativos conectados por streaming. O Correlingua pechou cun concerto de rock a cargo de Zënzar.
Todos os estudantes da edición de 2020 que solicitaron bolsa de inglés foron admitidos no programa municipal de inmersión lingüística, tal e como anunciou esta mañá o rexedor. Estes 767 alumnos terán cinco días a partir de mañá venres para formalizar a súa praza.
O alcalde explicou este mércores en rolda de prensa que o incremento da demanda de uso do espazo no período de exames leva ao goberno municipal a aumentar tres horas diarias o horario de funcionamento deste servizo.
O goberno local enviou á Xunta un novo convenio de colaboración para a construción do instituto de Navia completando o protocolo que enviou o goberno autonómico a finais do mes de abril. A carta dirixida hoxe a Alfonso Rueda inclúe un protocolo que compromete prazos e orzamento para garantir a obra.
O alcalde desexou boa viaxe aos alumnos e alumnas do CEP Dr. Fleming que sucaron a ría ao bordo do Nautilus dentro do programa municipal "Unha xanela aberta á ría de Vigo". Desde que comezou a actividade pasaron polo barco case 800 mozos e mozas dos colexios da cidade. Na proposta, de aproximadamente unha hora de duración e a través de monitores especializados e con imaxes a tempo real, se mostra aos estudantes a riqueza da ría, a dinámica do plancto, o cultivo do mexillón e a fauna que habita no fondo da ría.