O alcalde animou aos nenos e nenas a seguir co teatro para obter novas aptitudes. O mércores 11 e xoves 12 o Auditorio Municipal acolleu as XII Xornadas Municipais de Teatro Escolar. Participaron 5 centros de educación primaria da cidade e dous grupos da Escola Municipal de Teatro de Vigo con 7 pezas teatrais nas que participaron 550 alumnos e alumnas.
Acompañado polo edil de Educación, Abel Caballero visitou este xoves o centro de Infantil e Primaria, onde o goberno de Vigo xa realizara obras no comedor escolar. Con estes 50.615 euros, o Concello afrontou “obras singularmente importantes”, como a reparación do patio, o acondicionamento da pista polideportiva, a adecuación da fachada e a renovación dos xogos infantís da zona exterior.
O goberno local aprobou este xoves as bases das axudas municipais de comedor, libros e material escolar para o próximo curso. Con respecto á anterior convocatoria, Vigo amplía un 2,5% o tope de ingresos familiares para optar ás mesmas, manifestou Caballero. O alcalde cifrou en dous millóns a asignación para bolsas de comedor, libros e material escolar.
O alcalde anunciou novos xogos para o ocio dos nenos e nenas dos colexios de infantil e primaria de Vigo. En rolda de prensa manifestou que "é necesario repoñer e aumentar o número de xoguetes". Caballero lamentou que esta acción, a cal adica 17.000 euros o Concello, é competencia da Xunta de Galicia, pero "que non está para a cuestión", lamentou.
Abel Caballero visitou aos alumnos e alumnas do IES de A Guía, que lograron o recoñecemento ao "Mellor empresario virtual de España". O alcalde felicitou aos galardoados, Iria Piñeiro, Ismael Martínez, Jorge Fernández e Sara Gómez , despois de enfrontarse a máis de 200 universitarios e estudantes de Ciclo Superior de diferentes partes do país. Gañaron o 1º premio e o 5º tamén foi acadar en mans do alumnado do IES de A Guía. Na final demostraron as súas habilidades e talento empresarial ao ter que dirixir unha empresa automobilística a través dun sofisticado simulador empresarial.
O alcalde saudou este martes ao alumnado de 6º de Primaria do Carrasqueira e do Emilia Pardo Bazán, que tomaron parte do programa municipal gratuíto “Unha xanela aberta á ría de Vigo”. Abel Caballero puxo en valor o “gran éxito” da iniciativa.
Abel Caballero participou este venres na entrega dos I Premios ETIV-Uvigo á localización de videoxogos, organizado ao abeiro do título propio da Universidade de “Especialista en tradución para a industria do videoxogo”, que reuniu no Edificio das Redeiras do Berbés a alumnado, profesorado e persoal do sector, nun acto no que estivo tamén o reitor Manuel Reigosa e no que o alcalde puxo en valor a aposta e o talento vigués nestes novos ámbitos profesionais.
Abel Caballero saudou aos participantes do programa municipal “Unha xanela aberta á ría de Vigo” no que hoxe participaron case 100 alumnos do CPR Divino Salvador, CPR Andersen e o CPR Losada. O alumnado ten a oportunidade de coñecer o funcionamento, formación e produtividade da ría de Vigo e a inmensa riqueza das súas augas, o funcionamento do Nemo, un ROV submarino (vehículo non tripulado) que ofrece imaxes en calidade 4K, que permiten ver o fondo da ría ou os mexillóns nas bateas, comproban como se utiliza unha mostra de plancto vivo, como é a inmersión co robot subacuático para visualizar o cultivo do mexillón e identificar as especies de fauna e flora que se vexan durante a inmersión.
O alcalde e o concelleiro de Educación visitaron este xoves o colexio para inaugurar o novo espazo, reformado polo goberno vigués cun orzamento próximo aos 24.000 euros. Abel Caballero puxo en valor os 6,2 millóns que o Concello dedica á atención educativa.
Abel Caballero saudou aos mozos e mozas dos CEIP Coutada Beade e Mosteiro Bembrive que na xornada de hoxe gozaron do programa municipal "Unha xanela aberta á Ría de Vigo". O alumnado, nun percorrido dunha hora de duración, ten a oportunidade de coñecer o funcionamento, formación e produtividade da ría de Vigo e a inmensa riqueza das súas augas, o funcionamento do Nemo, un ROV submarino (vehículo non tripulado) que ofrece imaxes en calidade 4 K, que permiten ver o fondo da ría ou os mexillóns nas bateas, comproban como se utiliza unha mostra de plancto vivo, como é a inmersión co robot subacuático para visualizar o cultivo do mexillón e identificar as especies de fauna e flora que se vexan durante a inmersión.