mércores, 24 nov 2010
Abel Caballero visitou hoxe mércores o centro educativo Pintor Laxeiro, no entorno das Travesas, onde o Concello acometeu reformas no patio infantil cunha cuberta antideslizante por valor de 26.000 euros. O alcalde engadiu que o "esforzo" municipal na mellora das instalacións educativas públicas ascende a 500.000 euros, ademais do investimento as bolsas de comedor e para estudar en inglés no estranxeiro.
As becas súmanse as 250 ofertadas este curso entre os estudantes de secundaria da cidade
martes, 23 nov 2010
Abel Caballero avanza que o vindeiro curso se ampliarán a 450 bolsas, entre as ofertadas entre os estudantes de secundaria e da Escola Oficial de Idiomas, e subliñou que "este é o mellor legado que se lle pode deixar aos mozos". A Xunta de Goberno Local aprobou este martes as bases da convocatoria para a estancia lingüística no estranxeiro dos estudantes da EOI no curso 2010-2011, para as que se prevé un investimento de 100.000 euros. A convocatoria vai dirixida aos alumnos matriculados nos niveis intermedio II e avanzado I dos departamentos de inglés, francés, alemán e italiano, co fin de que participen nun programa educativo no país correspondente.
O alcalde, Abel Caballero, recolleu esta mañá en Madrid a distinción
luns, 22 nov 2010
A cidade olívica é a primeira urbe galega en obter o galardón, premiando a aplicación en Vigo da Convención sobre os Dereitos do Neno. O alcalde subliñou o esforzo na construción de garderías, nos novos parques infantís, no aumento das axudas de comedor e nas novas bolsas de inglés. A Concellería de Educación iniciou fai catro meses os trámites para optar á IV Convocatoria "Cidades Amigas da Infancia" 2010-2014 de UNICEF.
venres, 19 nov 2010
O alcalde avanzou hoxe venres que a cidade olívica recibirá o próximo luns a mención especial de UNICEF como cidade amiga da infancia, a primeira urbe galega en conseguilo. Abel Caballero asegurou que a entidade recoñece así a aposta viguesa pola infancia, como amosa a construción de novas garderías, as becas de comedor e de inglés ou os novos parques infantís.
xoves, 18 nov 2010
Tras unha reunión cos pais e nais do centro, Abel Caballero anunciou este xoves o envio dun escrito á Consellería de Educación da Xunta -conxuntamente coas nais e pais e a dirección do colexio- para que mellore as condicións do centro escolar Castelao de Navia. O alcalde invitará ao conselleiro a coñecer persoalmente unha zona na que habita maioritariamente xente nova con nenos e nenas "en idade escolar".
martes, 16 nov 2010
A concelleira de Educación, Laura López Atrio, explicou este martes o acordo alcanzado co conserxe do centro educativo para o seu traslado de residencia, facilitando así o espazo para a construcción do novo colexio. Así o informou a edil socialista aos pais e nais do Virxe do Rocio, vía escrita e oral, e asegurou que a negociación para o traslado iniciouse en verán e seguíu as indicacións dos asesores xurídicos municipais para respectar a legalidade.
xoves, 11 nov 2010
Abel Caballero visitou este xoves os traballos de acondicionamento que leva adiante o Concello para habilitar en Tomás Alonso unha escola infantíl, un investimento de 250.000 euros que sumará 80 prazas ás actuais. O alcalde indicou que estanse a reformar outros dos espazos para ser convertidos en escolas infantís -en Mestres Goldar e en Casiano Martínez- prácticamente duplicando a oferta actual ao sumar o próximo ano 260 novas prazas.
mércores, 10 nov 2010
Abel Caballero visitou na mañá deste mércores o CEIP García Barbón, onde se exhibe a mostra itinerante "Arte na Aula" pensada para desenvolver a creatividade entre o alumnado de educación primaria. Os estudantes recibiron ao alcalde ás portas do centro educativo e lle deron mostras da gran capacidade imaxinativa que posúen
martes, 2 nov 2010
O alcalde, tras reunirse coa Federación de Pais e Nais de Alumnos, avanzou que os orzamentos municipais de 2011 recollen "un incremento do 25%" das partidas dirixidas a subvencionar o comedor escolar para os estudantes vigueses que o precisen, acadando os 620.000 euros. Caballero asegurou que o pasado curso o Concello concedeu 1.700 bolsas e esixiu á Xunta de Galicia que acometa as ampliacións de comedores comprometidas para poder incrementar esa cifra.
mércores, 20 out 2010
A edil de Educación, Laura López Atrio, presentou este mércores xunto co coordinador do programa, o artista Mingos Teixeira, a segunda edición do Crea na Escola, unha iniciativa municipal para fomentar a creatividade mediante tres actividades: un certame de arte postal, outro de bandas deseñadas e unha mostra final de arte infantil. A concelleira, que avogou por "aprender a observar", indicou que na pasada edición presentáronse máis de 800 traballos procedentes de 71 centros educativos vigueses.
