34 centros de ensino público da cidade e case 4.000 escolares participan na iniciativa didáctica "VIGO ACTIVITIES" do Servizo Municipal de Educación que dirixe a concelleira Laura López Atrio. A proposta didáctica levase a cabo ata o mes de xuño e oferta unha programación específica que inclúe distintas actividades de promoción, reforzo e mellora da lingua inglesa.
O convenio, asinado entre o Concello de Vigo e FOANPA, ven consolidar e ampliar a participación activa dos axentes educadores na procura dunha mellor calidade na ensinanza. Os 215.000 euros diríxense á xestión de comedores e actividades extraescolares e de formación dos alumnos dos centros públicos de Vigo.
O alcalde de Vigo, Abel Caballero, xunto coas concelleiras de Educación, Laura López, e Benestar Social, María Méndez, colocaron e asinaron a última peza do puzzle xigante, simbolo do compromiso municipal coa educación dos países empobrecidos. Preto de 400 escolares de Vigo e comarca participaron na composición da Campaña "Pon a túa Peza, Todas Contan", organizada por mor da Semana de Acción Mundial pola Educación.
A Praza do Rei acollerá este mércores a Campaña "Pon a Túa Peza, Todas Contan", na que 400 alumnos de Vigo e alrededores elaborarán un puzzle xigante por mor da Semana de Acción Mundial pola Educación. O obxectivo é a mellora da educación e que ningún neno careza da mesma no ano 2015. O alcalde de Vigo, Abel Caballero, colocará a última peza como símbolo do compromiso do Concello.
Por primeira vez na eurorexion Galiza- Norte de Portugal, celébrase unha mostra musical na que se valora a calidade interpretativa dos novos músicos e se pon de manifesto o traballo educativo dos centros musicais. A mostra terá lugar o próximo día 19 de abril en Vilagarcia e na que participará a Orquestra da Escola Municipal de Música de Vigo.
O alcalde de Vigo, Abel Caballero, mantivo na mañá deste martes un encontro con membros do Comité Organizador da Semana de Acción Mundial pola Educación, reunión na que se estudou incrementar nos próximos anos a partida orzamentaria viguesa destinada á Cooperación ao Desenvolvemento. O obxectivo do organismo é que os Concellos dirixan o 0,7% dos seus orzamentos a esta causa.
O sábado 12 de abril, a Escola Municipal de Música de Vigo presenta o programa didáctico "Cociña Variada" coa interpretación de "Variacións sobre un tema de Haendel "de J. Brhams. A audición terá lugar no auditorio do Verbum ás 19 horas con entrada gratuita ata completar aforo.
O acto, que desde a súa primeira edición en 1991 celebrouse sempre en Santiago, contou coa presenza do alcalde de Vigo, Abel Caballero, o Presidente da Xunta de Galicia, Emilio Pérez Touriño, e a conselleira de Educación, Laura Sánchez Piñón. 37 mulleres e 20 homes foron galardoados este venres por obter os mellores expedientes académicos do 2007 nas tres Universidades de Galicia.
O Forum Orienta 2008, que se celebrará no Instituto Ferial de Vigo (IFEVI) do 8 ao 13 de abril, reserva un espazo destacado para as ensinanzas universitarias que ofertan as tres institucións galegas. Neste senso, este evento contará con diferentes stands especializados co obxectivo de ofrecer a información máis detallada sobre as posibilidades destes estudos así como das principais novidades que veñen da man da adaptación ao Espazo Europeo de Educación Superior.
O Auditorio Municipal acollerá os días 2,3 e 4 de abril, o espectáculo didáctico-musical "Nuestras Músicas", especialmente creado para escolares do 3º Ciclo de Educación Primaria, ESO e Bacharelato polo Grupo de Zaragoza "New Titanic Arkestra". O espectáculo forma parte da colaboración do Servizo de Educación do Concello de Vigo e a Obra Social e Cultural de Ibercaja.