O Concello adicará o curso que ven 1,6 millóns de euros a bolsas de comedor e libros, una cantidade que, segundo explicou, suple o recorte de 200.000 euros acometido pola Xunta nesta materia. Durante a rolda de prensa, lembrou que no presente curso escolar, son preto de 4.000 escolares os beneficiarios dunha bolsa de comedor municipal.
Esta é a primeira exposición retrospectiva que se lle realiza a Emilio Fernández Rodal en Vigo desde o seu finamento no ano 1972. A Escola Municipal de Artes e Oficios de Vigo quere homenaxear así a creación artística dun notable retratista que iniciou a súa vocación nas aulas desta Escola e que non dubidou en devolverlle parte da súa inspiración, impartindo clases de debuxo e pintura ou recuperando, trinta anos despois, o Certame de artistas noveis neste mesmo centro. Na mostra exhíbense case medio centenar de obras pictóricas do autor e imaxes e documentación que ilustran o contexto social e cultural da súa creación e da súa época.<br />
A Escola Municipal de Teatro de Vigo ten previsto realizar durante a vindeira fin de semana o evento "Trazos nas Táboas", consistente na representación de pezas breves de micro-teatro.Esta actividade nace coa intención de incentivar, potenciar e promover a creatividade na nosa comunidade educativa, así como de dar a coñecer á cidade a existencia e actividades que desenvolve a Escola Municipal de Teatro (EMT).<br />
A Sociedade Filarmónica de Vigo en colaboración coa Escola de Artes e Oficios celebrará un acto de intercambio de programas de principios do século XX de concertos da Sociedade Filarmónica celebrados en Vigo.A actividade terá lugar no salón de Escola o xoves 18 de abril ás 19.00 horas.
O alcalde de Vigo acudiu este martes ao Museo Verbum, en Samil, onde 100 escolares de sexto de Primaria, procedentes do Seis do Nadal e do Altamar, coñeceron a historia da Reconquista de Vigo coa exposición disposta polo Concello. Ao longo de abril serán 1.400 os alumnos que visiten a actividade.
O concerto que terá lugar o mércores 17 ás 19.30 horas, correrá a cargo das agrupacións corais "Coro Xuvenil" e "Coro de Adultos" da Escola municipal de música de Vigo. Esta actividade quere poñer en valor, novamente, tanto ás iniciativas municipais de formación en música e artes, como ás infraestruturas culturais da cidade.
Abel Caballero mantivo hoxe luns un encontro cun grupo de alumnos de Suecia que visitan a cidade nun intercambio con estudantes do colexio Alborada. Durante a visita, o rexedor reiterou que o os programas de inmersión lingüística "son un proxecto capital" para o Concello.
O alcalde de Vigo acudiu este venres ao Museo Verbum, en Samil, onde 150 escolares de sexto de Primaria, procedentes de catro centros públicos, coñeceron a historia da Reconquista de Vigo coa exposición disposta polo Concello. Ao longo de abril serán 1.400 os alumnos que visitarán a actividade.
O alcalde de Vigo, Abel Caballero, xunto a tenente de alcalde e a edil de Educación, comprobaron este venres no Verbum unha das visitas guiadas a cen escolares do Doutor Fleming. Ao longo do mes de abril, 1.400 alumnos dos centros públicos aprenderán con esta actividade a historia da Reconquista da vila de Vigo.
O goberno local vai asumir un "novo recorte da Xunta" en bolsas de comedor, unha rebaixa cifrada nun 40% e que se suma ao detrimento de 183.000 euros aplicado o curso pasado. Caballero avanzou que o Concello tamén asumirá este recorte "desalmado" xa que en Vigo ningún neno que o precise vai quedar sen axuda de comedor.