martes, 22 abr 2008
El concejal de Deportes, Xabier Alonso, recibió este martes en la Casa del Ayuntamiento al club de Ajedrez Universitario de Vigo, y durante el acto destacó el éxito conseguido por el equipo, que viene de proclamarse campeón universitario gallego. En la recepción, el concejal obsequió a los integrantes del club y a la vicerrectora de Extensión Cultural, María Carmen Cabeza, que también participó en la recepción, con las camisetas de la Universiada.
xoves, 17 abr 2008
O vindeiro domingo, 20 de abril, daranse cita 258 deportistas con discapacidade intelectual das catro provincias galegas para participar nos XII Xogos Autonómicos de Natación, segundo anunciou este xoves o concelleiro de Deportes, o nacionalista Xabier Alonso. O evento, organizado polas asociacións Special Olympics Galicia e San Francisco, celebrarase na piscina do Carme (ubicada no pavillón das Travesas), dende ás 10.45 horas, que terá lugar a inauguración, ata as 19 horas, momento da clausura.
martes, 15 abr 2008
O polideportivo de Coia acollerá este sábado, 19 de abril, a Festa Infantil de Kárate, segundo anunciou hoxe o concelleiro de Deportes, Xabier Alonso. O certame, que comezará ás 17 horas e no que participarán máis de 350 nenos e nenas de todas as idades "é unha mostra da realidade variopinta do deporte na cidade de Vigo", salientou o concelleiro.
xoves, 10 abr 2008
A cidade de Vigo acollerá, entre os días 12 e 14 de setembro, a única proba que se celebrará en España do Campionato do Mundo UIM Powerboat P1, segundo anunciou este xoves o tenente de alcalde, Santi Domínguez, no acto de sinatura do convenio de colaboración co director xeral da Powerboat P1, Jim O´Toole, o promotor deste evento en España e Portugal, Jaime Fonseca, e o concelleiro de Deportes, Xabier Alonso.
xoves, 3 abr 2008
As instalacións do Estadio Municipal de Balaídos acollerán este venres, sábado e domingo o Campionato de España sub 13 e sub 17 de squash. Un total de 80 xogadores procedentes de varias comunidades disputarán 240 partidos para decidiren quen leva o torneo.
mércores, 2 abr 2008
Máis de 2.660 amantes do deporte sairán da praia de Samil o domingo 6 de abril, para participar na novena edición da media maratón Vig Bay, segundo anunciou este mércores o concelleiro de Deportes, Xabier Alonso, quen asegurou que un ano máis participará na proba."A Vig Bay ten gañado o prestixio dentro e fora de Galicia a base de moito traballo", subliñou.
xoves, 27 mar 2008
Vigo prepárase xa para organizar xunto con Pontevedra o Mundial de Hóckey sobre Patíns de 2009. Este xoves o tenente da cidade olívica, Santi Domínguez, asinou un protocolo de colaboración co presidente da Comisión Xestora da Real Federación Española de Patinaxe (RFEP), Carmelo Paniagua, a conselleira de Cultura e Deporte, Ánxela Bugallo, e o presidente da Federación Galega de Patinaxe, Enrique García Raposo, co obxecto de iniciar o proxecto de organización deste evento.
luns, 17 mar 2008
A cidade de Vigo contará no 2009 con dúas novas piscinas, xa que a Xunta de Goberno Local aprobou este luns os seus proxectos básicos de execución. As novas instalacións deportivas estarán ubicadas en Barreiro e na Florida.
venres, 14 mar 2008
A visita dos membros da comisión da federación internacional a nosa cidade para evaluar o proxecto será antes do 30 de abril
xoves, 13 mar 2008
A cidade de Vigo conta cunha nova instalación deportiva, coa inauguración este xoves da piscina ubicada na parroquia de Valladares, nun acto que contou coa participación do alcalde da cidade, Abel Caballero, o tenente de alcalde, Santi Domínguez, e o concelleiro de Deportes, Xabier Alonso. Esta nova infraestrutura terá xornadas de portas abertas e será de uso gratuito ata o luns 24 de marzo.
