martes, 7 feb 2023
O alcalde de Vigo, Abel Caballero, presentou hoxe unha nova edición da Liga Interna de Colexios (Linco), que abrangue a equipos de oito centros de ensino e ás escolas municipais de Balaídos e Navia no fomento do baloncesto.
venres, 3 feb 2023
Máis de 320 alumnos e alumnas de 9 centros educativos coñecerán co club AMFIV o baloncesto en cadeira de rodas e as experiencias dos deportistas co obxectivo de normalizar desde a adolescencia a discapacidade.
xoves, 2 feb 2023
O alcalde de Vigo, Abel Caballero, presentou o Trofeo Concello de Vigo de fútbol base, acompañado polo concelleiro de Deportes, Manel Fernández, e por Belarmino Alonso, “Milucho”, coordinador do programa, José Luis Rolo (organización), Daniel Costas (Balaídos CF) e Juan Antonio Bar (Arenas de Alcabre).
venres, 27 xan 2023
A San Silvestre volverá ás rúas de Vigo o próximo 19 de febreiro, unha vez que o goberno local decidira retomar a carreira que tivo que suspenderse polo mal tempo. Mantense o trazado e o percorrido, de 4 quilómetros, co que a saída e a meta será na confluencia de Elduayen e Porta do Sol.
martes, 24 xan 2023
Abel Caballero deu conta da situación actual da grada, que xa conta con catro das sete pezas colocadas. O Concello tamén informou ao club da localización das 4 cantinas que terá a grada.
martes, 24 xan 2023
O alcalde mantivo un encontro co novo presidente da Federación, Iván Sanmartín, no que lle trasladou que o atletismo terá instalacións na grande cidade do deporte na Balsa e en Balaídos.
venres, 20 xan 2023
O alcalde participou este venres na presentación en rolda de prensa do evento, que se celebra este sábado e domingo na pista vermella do Pavillón Municipal das Travesas, coa presenza de 31 clubs de toda España, máis de cen xogadores e 16 títulos en xogo. En presenza de Jesús Gómez, presidente do Club Escola Rosalía, e de Xosé Luís Vila Piñeiro, presidente da Federación Galega, Caballero comprometeu o apoio municipal aos equipos de bádminton da cidade, onde o “deporte vai ocupando cada vez máis parcelas”.
luns, 16 xan 2023
O alcalde de Vigo, Abel Caballero, presentou o circuíto Run Run Vigo 2023 e anunciou a recuperación da Gala do Atletismo de Vigo para o martes 24 no auditorio municipal.
xoves, 12 xan 2023
Vigo contará cun espazo para a celebración do Dirt Jump, segundo garantiu esta mañá o rexedor nunha rolda de prensa na que criticou a falta de resposta da Autoridade Portuaria á solicitude de autorización que fixo a organización de O Marisquiño. Caballero confirmou que o Concello xa está a buscar solucións cos promotores deste festival urbano.
martes, 10 xan 2023
A Xunta de Goberno Local vén de aprobar o programa municipal do circuíto de carreiras de atletismo para este ano coa previsión de que comecen en xaneiro coa Subida ao Castro.