O alcalde adiantou a inscrición récord de 300 equipos de fútbol e fútbol sala. As finais do torneo terán lugar nos campos de Sami e Bouzas e no pavillón deportivo das Travesas.
Nove meses despois da edición anterior, en setembro, volve o Galiexpo Motor Show, feira do sector do motor que terá lugar dende este venres ao domingo no Instituto Feiral de Vigo.
O evento celébrase nos complexos municipais de Navia e Barreiro, co torneo para afeccionados do 30 de xuño ao 9 de xullo e do 3 ao 9 de xullo para xogadores federados. Nesta novena edición abrirase o torneo de categoría infantil, para rapaces e rapazas de 7 a 14 anos.
A Xunta de Goberno Local deu luz verde tamén á contratación das obras de humanización da rúa Teixugueiras, entre Lamelas e o acceso peonil ao barrio e Navia desde a VG-20.
O Recalvi Rías Baixas, o máis antigo de Galicia (1963-2023), volve a cidade 8 meses despois da última edición. Por terceiro ano consecutivo o rallye é puntuable para a Copa de España de asfalto.
Abel Caballero acudiu á presentación da III Copa Vigo de España de Ciclismo que se celebra o 21 de maio con saída e meta na cidade. A competición, organizada polo Club Ciclista Vigo - Rías Baixas, transcorre 7,8km polas rúas de Vigo, primeiro no centro con partida desde Praza do Rei e remata na Madroa. O alcalde quixo mostrar o seu apoio á proba e aos organizadores no acto de presentación que tivo lugar no Auditorio Mapfre.
Abel Caballero e Carmela Silva participaron este luns na presentación do campionato que se está a desenvolver estes días no Ifevi e que vivirá as finais durante a fin de semana, o 13 e 14 de maio.
O alcalde recibiu este venres á organización do encontro que organiza, un ano máis, a Asociación deportiva Zanshin coa colaboración do Concello e que reunirá a unha destacada representación desde deporte na cidade. Esta trixésimo sexta edición celébrase mañá sábado, 6 de maio, no Pavillón municipal de Quirós.
As xogadoras, o cadro técnico e a directiva do Celta Zorka Recalvi foron recibidos este martes no Concello polo alcalde que lles trasladou os parabéns no nome da cidade polo ascenso á Liga Endesa, a máxima categoría do baloncesto feminino español. “Foi extraordinario o proceso de ascenso, xogaron marabillosamente ben e o público animou dunha forma fóra de serie”, un aspecto este, o de disputar a fase na casa, que as xogadoras recoñecen que “axudou tanto no proceso”, apuntou Caballero.
O rexedor participou esta mañá na presentación da "final four" polo ascenso a Liga Endesa que se disputará esta fin de semana no Pavillón de Navia, no que será protagonista o Celta Zorka Recalvi. Estivo acompañado, entre outros, por Elisa Aguilar, directora de competicións da Federación Española de Baloncesto; Julio Bernárdez, presidente da Federación Galega de Baloncesto e Carlos Álvarez, presidente do clube. Caballero aproveitou para transmitirlle a todo o plantel local o seu apoio ante a cita transcendental, "baixo o convencemento de que imos gañar esta fase, porque sodes as mellores".