martes, 23 out 2018
O alcalde informou do acordo adoptado polo goberno vigués, que liquida a concesión por 35,2 millóns en base a unha auditoría e adquire o Mar de Vigo, o hotel, os espazos da UNED e da biblioteca, 4.000 m2 de baixos comerciais, o restaurante e o aparcamento. O Concello venderá activos para minorar o importe e abonará o resto con remanentes: "non lle vai custar nin un euro en impostos á cidade"
luns, 22 out 2018
O alcalde anima a toda a cidade a gozar da mellor música de Freddie Mercury o próximo 27 de outubro no Ifevi, coa banda número 1 de tributo a Queen, Dios Salve a la Reina. Os asistentes terán unha nova oportunidade de revivir o mítico concerto "Wembley 86".
mércores, 17 out 2018
O Goberno de España cede de balde o inmoble ao Concello, que habilitará en Enrique Lorenzo 54 unha biblioteca pública municipal. Abel Caballero avanzou que a aceptación da cesión está "a punto" de ser aprobada polo goberno de Vigo, que xa prepara o proxecto.
mércores, 10 out 2018
Abel Caballero participou esta mañá na presentación do que vai ser o primeiro concerto solidario que esta formación paraguaia ofreza en Galicia. A actuación, prevista para o 28 de decembro no Auditorio Mar de Vigo, contará coa participación de Iván Ferreiro e un coro de pequenos cantores de ACOPOVI.
martes, 9 out 2018
O Concello ten o borrador de convenio de cesión gratuíta do edificio, situado en Enrique Lorenzo 54, e xa traballa nos informes de valoración do estado das instalacións. Logo da negativa do anterior executivo central, o alcalde valorou que o novo Goberno de España ceda "con celeridade e de balde" este inmoble.
venres, 5 out 2018
O Caballero reivindica a maior presenza desta disciplina no Bacharelato "polo seu valor esencial para o desenvolvemento individual e colectivo".
xoves, 27 set 2018
O alcalde, Abel Caballero, e o xerente do IFEVI, Arsenio Prieto, presentaron este xoves o evento, que terá lugar no recinto feiral o 20 de outubro, con máis de seis horas de música. O Festival ten vocación de apoio ás formacións de Vigo, polo que o cartel se completa coas actuacións de Motores e Iron Hunter.
xoves, 20 set 2018
Abel Caballero deulle á benvida á Alcaldía aos artistas que participan en Vigo cidade de cor e que estes días levan ese espírito ás dependencias municipais. Durante a presentación da mostra, o alcalde eloxiou a calidade dos traballos expostos, que son unha pequena mostra do que se está a realizar nos edificios e nas medianeiras de Vigo desde 2015. "Vigo é un gran lienzo e a mellor sala de exposición é a rúa", dixo o rexedor, que estivo acompañado dalgúns destes artistas.
xoves, 20 set 2018
Logo da reunión celebrada onte mércores co ministro de Cultura, o alcalde anunciou que este mesmo xoves "iniciamos o plan especial de infraestruturas e dotacións" para que se poida erixir a biblioteca nos terreos do entorno da rúa Lalín. En paralelo, o Concello solicitará á Xunta de Galicia a aplicación da "lei Vigo".
mércores, 19 set 2018
O alcalde asegura que "por primeira vez en moitos anos" o Goberno de España apoia a Biblioteca do Estado en Vigo. Tal e como avanzou, o ministro de Cultura, José Guirao, "entende e comparte" a necesidade deste proxecto para a cidade. <br />
