xoves, 13 set 2018
Dezaseis compañías, nove delas galegas, actuarán no Auditorio do Concello dentro da programación municipal de Artes Escénicas de outono VigoCultura. "Vigo liberouse de complexos e somos unha fábrica de xerar cultura", asegurou Caballero, que lembra que o ano pasado houbo 40.000 asistentes e máis de 275 actividades.
martes, 11 set 2018
Abel Caballero anunciou este martes que o Goberno de España cede o inmoble de forma gratuíta -logo da negativa a facelo do anterior executivo dirixido por Rajoy- e o proxecto para converter o espazo de 1.100 metros cadrados en biblioteca foi encargado "hoxe mesmo". "Será unha das grandes bibliotecas de Vigo", saudou o alcalde.
martes, 4 set 2018
O alcalde anunciou este martes a prórroga desta exposición no céntrico museo vigués pola súa boa acollida. A afluencia de visitantes está a ser "extraordinaria", indicou Caballero, con 8.000 visitas en xullo e máis de 10.000 no mes de agosto, datos "sen precedentes" no recinto expositivo.
luns, 3 set 2018
Cayetano Rodríguez participou este luns na presentación da programación xunto aos responsables de Amigos da Ópera. O goberno de Vigo coopera cun evento que trae á cidade as representacións de "Macbeth" e "O holandés errante", ademais dun ciclo de conferencias e a proxección de dous filmes con entrada de balde.
venres, 31 ago 2018
"Vigo, un mar de bandas", "Aulas de Música" e "Outono Lírico" son algúns dos programas musicais que acollerá Vigo ao longo de todo o ano 2018 grazas ao apoio municipal. Abel Caballero valorou a implicación do Concello na "mobilización cultural" da cidade.
xoves, 30 ago 2018
Caballero eloxiou esta mañá a calidade artística da Orquestra Vigo 430 e invitou a toda a cidade a acudir aos oito concertos que se ofrecerán nos próximos meses. A programación arranca o próximo 28 de setembro cunha actuación no Auditorio Municipal do Concello. <br />
venres, 10 ago 2018
Abel Caballero asistiu este venres ao Museo do Mar de Vigo para participar na celebración do 120 aniversario da construción do submarino de Sanjurjo. O alcalde destacou a importancia do inventor na historia industrial da cidade, así como a continuidade do legado que asumiron as seguintes xeracións da familia. No acto estiveron presentes preto de 200 descendentes de Sanjurjo.
venres, 10 ago 2018
O Concello de Vigo inaugurou na Pinacoteca a exposición "Catálogo de 1937. A colección de arte rexional na creación do Museo Quiñones de León", comisariada por Beatriz Liz de Cea e baixo a dirección técnica do director do museo, José Ballesta de Diego.
luns, 6 ago 2018
Abel Caballero avanzou este luns a programación dunha nova edición da "Noite Branca". A cita cultura celebrarase o vindeiro sábado, 11 de agosto, na Rede Museística e Expositiva do Concello de Vigo cun total de 39 visitas guiadas e 11 concertos en 12 puntos diferentes de actividades.
xoves, 2 ago 2018
O programa "Vigo en Festas" do Concello de Vigo reserva para este xoves as 23h a gran actuación de Raphael no Auditorio de Castrelos, con todo o papel vendido. Para facilitar a mobilidade dos espectadores, o goberno vigués pecha ao tráfico desde as tres da tarde o vial que cruza o parque.