martes, 4 ago 2009
O Festival Folclórico Internacional, que terá lugar entre os días 5 e 10 de agosto, reunirá a grupos de Asturias, Rusia, Ecuador, Kenia e Galicia, nunha cita xa emblemática nas festas do verán viguesas. Na presentación do festival, o concelleiro de Cultura e Animación Sociocultural, Xesus López, recordou que "un dos obxectivos que nos plantexamos era facer unha programación o suficientemente ampla para cubrir todas as idades e públicos, que de resposta a todos os gustos e intereses"
luns, 3 ago 2009
O Circo Acuático, un novo concepto de circo, estará instalado na cidade viguesa (Avenida de Castelao) entre os días 7 e 30 de agosto. O concelleiro de Cultura e Animación Sociocultural, Xesus López, presentou hoxe xunto ao director do circo, Manuel González, este novo concepto de circo, que está ambientado nun maxestoso acuario con 50.000 libros de auga, pero tamén haberá malabares, pallasos, acróbatas... "É un circo innovador, dirixido a todas as idades, respetuoso co medioambiente, sensitivo, multicultural....", explicou o concelleiro de Cultura.
luns, 3 ago 2009
O concelleiro de Cultura e Animación Sociocultural, Xesus López, destacou na presentación do concerto de Juan Perro, que terá lugar o día 5 de agosto no Peirao de Trasatlánticos (22:30 horas), que "Santiago Auserón chega cunha selección de catro albums históricos, temas antigos que estivo pulindo nos últimos anos e que veñen cargados de aires mestizos da Habana e de Nova Orleáns".
luns, 3 ago 2009
A Semana Grande das Festas de Vigo chega a todos e todas e por iso tamén os máis pequenos da casa terán o seu lugar de xogos e deportes pero onde tamén manterán unha cita coa cultura. Desta forma, mañá comezará o Castro Cativo, o parque infantil lúdico-deportivo, que animará as tardes das e dos máis cativos ata o próximo día 14 de agosto.
venres, 31 xul 2009
María Castro asegurou hoxe sentirse "orgullosa e emocionada" por ter a oportunidade de ser a pregoeira da Semana Grande das Festas de Vigo. "É unha honra ser a pregoeira das festas de Vigo e non o pensei nin un momento cando mo ofreceron, so intentar adaptalo a miña axenda, xa que estamos gravando a serie todo o verán e esa era a única dificultade".
xoves, 30 xul 2009
O concelleiro de Cultura, Xesus López, salientou hoxe que Alternavigo, nunha soa edición, "converterse no maior festival de rock e metal de Galicia, cunha magnífica resposta do público". Desta forma, o obxectivo desta segunda edición é superar os 12.000 espectadores do ano pasado, feito que parece posíbel "dada a resposta da xente nestos días", explicou o representante da organización, Breogán Cabezas.
mércores, 29 xul 2009
O concelleiro de Cultura, Xesus López, destacou hoxe na presentación do concerto de Carlos Baute+Marta Sánchez o bo ritmo da venda de localidades para esta actuación, que terá lugar o día 4 de agosto no Peirao de Trasatlánticos (22:30 horas). "Estamos apreciando un gran interese, tanto polas chamadas telefónicas recibidas e as consultas realizadas, como pola venda de localidades... Así que cito a todas e todos os seus seguidores no Peirao de Trasatlánticos o próximo día 4 de agosto".
martes, 28 xul 2009
O concelleiro de Cultura, Xesus López, e o promotor Bibiano Moron presentaron hoxe o concerto de La Oreja de Van Gogh, que terá lugar mañá no auditorio de Castrelos a partires das 23:00 horas. O nacionalista lembrou que este é o segundo concerto, dun programa de festas que está a ser unha referencia do verán galego.
martes, 28 xul 2009
O concelleiro de Cultura, Xesus López, desprazouse hoxe ata o Conservatorio de Música do Castro para visitar os cursos de Formaclown, que se están a desenvolver en Vigo dentro do Festival Internacional de Clown. No acto estivo acompañado polo director do Festiclown, Iván Prado, quen destacou a calidade do profesorado e tamén o interese amosado polos alumnos e alumnas.
martes, 28 xul 2009
Os concellerios de Cultura, Xesus López, e Normalización Lingüística, Iolanda Veloso, presentaron hoxe xunto aos organizadores Central Folque o proxecto "Descarga ao vivo", que o vindeiro xoves encherá o teatro do Centro Cultural Caixanova da mixtura da música galega e cubana. O concerto, no que participarán 15 músicos e 2 bailaríns, terá como actividade previa unha actividade infantil mañá no Verbum.
