A Concellería de Festas do Concello de Vigo organiza, en colaboración coa Asociación Cultural Interfolc, as XII Xornadas de Danza e Música Tradicionais Galegas, no Centro cultural de Valadares.O domingo 27, ás 19 horas terá lugar a final das xornadas.
A Concellería de Igualdade e o Consello Municipal da Muller organizan durante o este mes no VERBUM un ciclo de cine infantil, co gallo da conmemoración do 25 de novembro, Día Internacional contra a violencia de xénero. A última das proxeccións terań lugar o domingo 27 de novembro ás 17,30 h. con entrada libre ata completar o aforo do local.
Esta é a derradeira semana do programa audiovisual ArtFutura, que se proxecta no salón de actos do MARCO e que finaliza este sábado 26, catro semanas despois da súa estrea a principios de novembro, en exclusiva para Galicia.
O alcalde de Vigo recibiu este martes ao líder, Julián Hernández, da histórica banda viguesa que a finais deste ano cumprirá trinta anos de traxectoria musical. Abel Caballero eloxiou o papel de Siniestro Total como embaixadores da cidade no exterior e tamén o seu rol na cultura en Galicia e España, polo que "desde Vigo temos que rendirlles unha homenaxe", que terá lugar posiblemente a comezos do mes de xaneiro.
O Museo Municipal "Quiñones de León" remata a mediados do próximo mes de decembro a exposición temporal "O Son das Ondas" que ven de ser amosada dende o pasado mes de maio e que foi organizada polo museo municipal, producida por Editorial Galaxia e Merlín Comunicación e comisariada por Henrique Monteagudo.
A obra "A princesa balinesa" trata das desventuras da princesa Xamira e a súa misión de encontrar os catro tesouros sagrados ou perderá o seu reino, que foi roubado pola malvada e poderosa deusa do Mar Negro Calixta. Na súa axuda pola busca dos tesouros, acudirá un aprendiz de mago bastante torpe.Este é o argumento da obra que se representa o sábado 19, ás 18.00 horas no Auditorio Municipal.
"E. R. (Algún día traballaremos xuntas)" sube ao escenario a catro actrices que tentarán dar consolo ao medo do paso do tempo e das ilusións.Será o venres 18 de novembro ás 21.00 horas no Auditorio Municipal dentro do programa "CON T DE TEATRO" da Concellería de Cultura e Festas.
O Verbum acolle, un ano máis, unha nova edición do certame de vídeo e curtametraxe Secuencia Cero, que terá lugar os días 17,18 e 19 de novemebro. Durante os días de proxección poderánse ver a selección de obras escollidas, nas que haberá tres categorías: curtametraxe, documental e videocreación.
A concellería de cultura colabora coa Federación de Peñas Recreativas "El Olivo", na organización do Magosto que terá lugar o sábado 12 de novembro na praza do Berbés, a partir das 18 horas.
O domingo 13 de novembro, o MARCO cumpre nove anos dende a súa apertura ao público en 2002. Con motivo desta celebración, o venres 11, sábado 12 e domingo 13 de novembro terá lugar a festa do 9º aniversario, cun programa de actividades para públicos de todas as idades. Para esta especial ocasión, o museo permanecerá aberto ao público nun horario máis amplo do habitual, incluíndo a noite e madrugada da fin de semana: dende as 11.00 da mañá do sábado ata as 03.00 do domingo, e reanudándose dende as 11.00 ata as 21.00 do domingo.