venres, 6 mai 2011
O Auditorio Municipal acolle este fin de semana dous novos espectáculos musicais propostos pola Concellería de Cultura e Animación Sociocultural. Mañá, 7 de maio, a banda de jazz Javier Arroyo & El Lusitania Jazz Machine presentará, ás 21 horas, seu segundo disco "Sur mira al sur". O domingo, ás 18 horas, a compañía Teatro do Morcego levará á escena a súa obra musical "Saltimbanquis", destinada a rapaces e rapazas a partir dos 5 anos. Nos dous casos as entradas pódense adquirir na web www.laboleteria.es ou na taquilla unha hora antes do comezo da obra.<br />
xoves, 5 mai 2011
O Verbum – Casa das palabras inaugurou o 4 de maio dentro das súas instalacións o museo da Radio de Galicia, unha instalación composta por máis de 300 pezas doadas por emisoras, institucións e particulares, que repasa a historia deste medio de comunicación en Galicia dende o nacemento do medio de comunicación en 1920 ata finais do século XX.
xoves, 5 mai 2011
O Auditorio Municipal acollerá mañá, 6 de maio, unha nova actuación do programa que organiza a Concellería de Cultura e Animación Sociocultural. Trátase da comedia "A Nona", que a compañía Teatro do Morcego representará ás 21 horas, dirixida por Roberto Cossa. O prezo das entradas para asistir a esta actuación é de 7 euros e pódense adquirir na web www.laboleteria.es ou na taquilla unha hora antes do comezo da obra.
mércores, 4 mai 2011
O Verbum acolle desde o día 4 de maio a exposición "Galicia nas Ondas. 1933-2011". A mostra amosa dende a introdución do invento da radio en Galicia na década dos anos trinta do pasado século ata a actualidade, e constitúe un Museo da Radio en Galicia con sede estable no Verbum. Os seus contidos foron aportados por diferentes empresas radiofónicas galegas e diversos arquivos públicos e privados da comunidade.
martes, 3 mai 2011
A Concellería de Cultura e Animación Sociocultural informa de que a Biblioteca Central de Vigo pechará ao público do 6 ao 9 de maio (de venres a luns), para realizar traballos rutinarios de mantemento e de desinsectación. O servizo reiniciarase no seu horario habitual o martes 10 de maio.
martes, 3 mai 2011
A programación que organiza a Concellería de Cultura e Animación Sociocultural no Auditorio Municipal continúa mañá e o xoves coa actuación da compañía Máscara Producións, que estreará a obra "Gordechas" ás 20.30 horas. O prezo das entradas para asistir a esta actuación é de 7 euros e pódense adquirir na web www.laboleteria.es ou na taquilla unha hora antes do comezo da obra.
luns, 2 mai 2011
O concelleiro de Cultura e Animación Sociocultural, Xesus López, presentou este venres o concerto que pechará o festival O Marisquiño 2011. Trátase da actuación que ofrecerá o grupo americano Bad Religion o 14 de agosto no auditorio de Castrelos, que se enmarca na xira de 30 aniversario da banda e na que ademais de facer un repaso polo seu repertorio, presentarán o seu último traballo, The Dissent of Man.
luns, 2 mai 2011
A Concellería de Cultura e Animación Sociocultural propón para mañá un concerto da Sociedade Filarmónica de Vigo, que terá lugar no Auditorio Municipal ás 20.30 horas, baseado nas obras de Pergolesi e Vivaldi. O prezo das entradas para asistir á actuación é de 5 euros e pódense adquirir na taquilla unha hora antes do comezo da actuación ou na web www.laboleteria.es.
venres, 29 abr 2011
O museo Verbum – Casa das Palabras abre o día 29 de abril a exposición temporal "Vigo Cidade Babel. O Verbum da diversidade lingüística". A mostra consta de tres ámbitos, un adicado ás linguas do mundo, outros ás linguas do Estado e outro ao galego en Vigo.
venres, 29 abr 2011
A Concellería de Cultura e Animación Sociocultural propón para o domingo un novo espectáculo no Auditorio Municipal para conmemorar o Día Mundial da Danza. Trátase da obra "Moniquilla y el ladrón de risas", que a compañía Proxecto Titoyaya interpretará ás 18 horas para todos os públicos. Por outra banda, a obra do programa Vigo a Escena "Cinderella Mix" que mañá, 30 de abril, ía a representar a compañía Artello-Teatro na Asociación Veciñal Praza da Miñoca, queda suspendida.
