venres, 17 feb 2017
O alcalde recordou este venres que permanece aberto o prazo para solicitar estas axudas para familias con menos recursos, ata o próximo 3 de marzo con cita previa a través da web do Concello ou no teléfono gratuíto 010. O goberno de Vigo conta con 2,5 millóns para pagos de alimentación, enerxía e aluguer e hipoteca.
mércores, 1 feb 2017
O alcalde reuniuse este mércores coa ministra de Cultura da República Árabe Saharauí Democrática, Jadiya Hamdi, a quen lle transmitiu "a vocación de continuar co noso apoio ao programa Vacacións en paz" que lle permite pasar o verán na cidade a nenos e nenas que viven nos campamentos de Tinduf. Ademais amosou o respaldo xeral ás propostas de acción do pobo saharauí polas que Vigo sente "simpatía", dixo.
mércores, 1 feb 2017
O alcalde trasladou que desde este mércores xa se pode solicitar, vía web e no 010, a cita previa para optar ao programa de axudas extraordinarias a familias, prazo aberto ata o 3 de marzo. Sumado o plan contra desafiuzamentos, o goberno de Vigo adica este ano 2,6 millóns a achegas sociais.
xoves, 26 xan 2017
Abel Caballero explicou que sempre hai unha praza dispoñible no centro que ten unha ocupación de entre o 95 e o 98% e destacou o presuposto anual que dedica o Concello, de arredor dun millón de euros, como un "esforzo importante" da cidade que se sente "orgullosa" deste servizo que presta.
luns, 16 xan 2017
O rexedor avanzou esta mañá a posta en marcha do dispositivo do frío para atender ás persoas que non queren durmir no albergue. En previsión da baixada de temperaturas, tratarase de convencer a estas persoas para que pasen estas noites no albergue municipal ou en calquera cos que ten acordos o Concello. En todo caso, repartirase café quente e mantas, acción na que tamén se contará coa colaboración da Policía Local.
luns, 2 xan 2017
O alcalde vigués visitou este luns o parque central de Lavadores, onde se almacenan as bicicletas doadas pola cidadanía dentro desta iniciativa. Establecementos colaboradores as reparan para logo doalas a familias que o precisen. Cada ano se entregan unhas setenta bicis, segundo revelou Caballero.
venres, 30 dec 2016
A convocatoria de 2017 do programa de axudas a familias para sufragar gastos de aloxamento, enerxía e alimentación vén de aprobarse na Xunta de Goberno Local co fin de sufragar gastos de familias vulnerables. Nesta convocatoria, segundo explicou o rexedor, mellórase a cobertura de unidades unipersoais.
mércores, 28 dec 2016
A Xunta de Goberno Local deu luz verde a este programa "ampliable" segundo as necesidades cidadás e tamén ás axudas para acometer melloras en fogares por valor de 50.000 euros. O rexedor puxo en valor a política social municipal cun investimento de 2,5 millóns para as axudas extraordinarias a familias e partidas importantes a bolsas de comedor e infancia.
mércores, 21 dec 2016
O programa solidario impulsado pola asociación A Golpe de Pedal e o Concello recolle bicicletas en desuso que se poñen a punto para seren entregadas a familias con poucos recursos. Funciona todo o ano pero no Nadal faise unha entrega especial. <br />
martes, 20 dec 2016
O alcalde informou este martes do desenvolvemento do Programa Municipal de Axudas Extraordinarias a Familias co que se concederon este ano 1.890 subvencións das que quedan tres pendentes de dar, tras sérenlle notificadas ás persoas beneficiarias.