xoves, 21 set 2017
"Nin un só neno quedará sen bolsa de comedor mentres sexa alcalde" asegura Caballero que garantiu a atención aos escolares neste curso, no que o Concello destina 112.000 euros a axudas para libros e material.
luns, 18 set 2017
O próximo domingo 1 de outubro todos os vigueses están invitados a participar na 34 edición da marcha Aspanaex que arrancará ás 10,30 h do auditorio do parque de Castrelos. Nove quilómetros de solidariedade para concienciar sobre os dereitos das persoas con discapacidade intelectual e racadar fondos para o proxecto de residencia da asociación.
venres, 8 set 2017
O alcalde deu conta este venres do proceso de pagamento do cheque social do 2017 mediante o cal recibiron axuda municipal para alimentación 1.947 familias, 1.898 para pago de subministros e 1.454 para alugueiros.
xoves, 7 set 2017
"Non quedaremos cruzados de brazos", apunta o rexedor, quen enviará unha carta ao director do Imserso demandando que poñan autobuses desde Vigo e Pontevedra para os desprazamentos dos pensionistas a Santiago a coller os avións.
xoves, 31 ago 2017
Abel Caballero explicou que se dedican programas como o servizo de transporte do programas de maiores, o de respiro familiar ou obras de reparación no Albergue. O Concello financia con 7.000 euros a organización da Festa do Mexilón e presta cinco pezas do Quiñones de León ao Museo Nacional de Arqueoloxía.
luns, 14 ago 2017
Caballero visitou este luns a Asociación de Familias de Persoas con Parálise Cerebral (APAMP) para asistir á instalación do columpio accesible, e do que o Concello se encargará do seu mantemento. "Queremos que os parques infantís de Vigo estean preparados para a súa utilización por persoas con discapacidade", aseverou.
venres, 11 ago 2017
Abel Caballero recibiu este xoves aos responsables desta entidade de axuda aos nenos e nenas con doenzas oncolóxicas na cidade e asegurou o respaldo do Concello aos enfermos e aos seus familiares e tamén para divulgar a labor da asociación e atraer así máis voluntarios.
xoves, 6 xul 2017
A Xunta de Goberno Local, segundo informou Caballero este xoves, aprobou o convenio cos Hermanos Misioneiros dos Enfermos Pobres, destinando 114.000 euros ao funcionamento do seu albergue e ao reparto de alimentos a familias que o precisan.
venres, 30 xuñ 2017
Abel Caballero achegouse este venres á xornada de portas abertas de Alborada no recinto de 5.000 metros cadrados que ocupa en Cotogrande, onde leva adiante o Programa Verdear, unha iniciativa de formación en agricultura ecolóxica para aqueles usuarios que se atopan en risco de exclusión social.
venres, 30 xuñ 2017
O alcalde detallou esta mañá que o Programa municipal de axudas a familias, dotado con 1.6 millóns, permitirá conceder 1.454 achegas para vivenda, 1.947 para alimentación e, por último, 1.898 para subministros. Os beneficiarios poderán pedir cita para recoller a súa achega a partir do mércores 5 de xullo.