mércores, 3 xuñ 2020
Segundo informou o alcalde, con este pago o Concello xa abonou as achegas de comedor correspondentes á parte proporcional de marzo no que os colexios estiveron pechados e aos meses íntegros de abril, maio e xuño. O total ascende a 391.000 euros para máis de 2.600 familias.
martes, 2 xuñ 2020
Abel Caballero mantivo este martes unha reunión telemática con responsables de Vida Digna, Comedor da Esperanza, La Sal de la Tierra, Cruz Vermella e Misioneiras do Silencio para coñecer as súas necesidades actuais e futuras.
martes, 2 xuñ 2020
A Xunta de Goberno Local vén de aprobar o programa de actividades Verán Xove 2020 dirixido a cativas e cativos nacidos entre os anos 2003 e 2016 e que ten un orzamento de 227.000 euros. O prazo de solicitude de praza abre este xoves, 4 de xuño, e permanecerá aberto ata o vindeiro día 12.
venres, 29 mai 2020
O alcalde mantivo un encontro por videoconferencia con 52 organizacións do ámbito social de Vigo para coñecer as súas necesidades e trasladarlles que contarán co apoio municipal mentres persistan as consecuencias da pandemia.
venres, 29 mai 2020
Aprobada pola Xunta de Goberno Local, a medida entrará en vigor este luns 1 de xuño e pon fin á pausa do servizo ordenada o 18 de marzo polo estado de alarma. Coa paulatina apertura da mobilidade e a actividade industrial e comercial, cesan as causas que motivaron a suspensión da XER.
xoves, 28 mai 2020
A Xunta de Goberno Local do Concello de Vigo aprobou este xoves o expediente de contratación para o mantemento do leito do río Lagares. Vigo asumirá así limpeza de toda a conca do Lagares para manter o curso do río en bo estado. A licitación dos traballos, que se levarán a cabo en verán, saen cun investimento de 112.000 euros.
mércores, 27 mai 2020
O Pleno do Concello de Vigo aprobou este mércores na súa sesión ordinaria de maio unha modificación orzamentaria para dotar ao departamento de Benestar Social unha nova partida de 870.000 euros. O goberno local destacou que no primeiro trimestre do ano xa se comprometeron máis de 130 millóns do orzamento.
mércores, 27 mai 2020
En sesión ordinaria, o Pleno aprobou mocións instando ao goberno autonómico a transferir ao Concello 2,7 millóns de gasto social municipal polo coronavirus, a crear no prazo dun mes un fondo de acción local para urbes e deputacións por 300 millóns e a elaborar un Plan de reactivación económica.
martes, 26 mai 2020
O alcalde de Vigo anunciou que a concelleira de Benestar Social remitirá este martes unha carta á conselleira de Política Social da Xunta de Galicia para reclamar que de “forma inmediata transfiran 1,7 millóns que nos deben” en concepto de axudas sociais.
luns, 25 mai 2020
O alcalde visitounos este luns nun dos tres hoteis nos que están aloxadas 22 persoas das 84 familias afectadas polo incendio, que se produciu na noite deste sábado no garaxe dun inmoble da rúa Sanjurjo Badía. O Concello adiantará o pago dos establecementos, que será repercutido ao seguro.