O rexedor achégase á festa de verán do Servizo de Atención a Domicilio

xoves, 6 xul 2023

Abel Caballero saudou este mércores ás arredor de 300 persoas que asistiron á festa de verán do Servizo de Atención a Domicilio do Concello que se celebrou no Hotel Attica 21 en Samil. Música e baile tradicional, maxia, animación e baile foron os ingredientes deste encontro no que as persoas maiores, as súas familias, coidadores e o persoal do servizo se xuntan para compartir unha xornada de festa e diversión.

O alcalde avoga por facer das empresas “lugares de encontros transversais”

mércores, 5 xul 2023

Na súa intervención durante a clausura da xornada “Talentos” organizada por Inserta Empleo, entidade da Fundación ONCE para a formación e emprego das persoas con discapacidade, Abel Caballero alentou ao empresariado a empregar a persoas con discapacidade nun momento contexto no que a “sociedade é distinta e demanda valores distintos”. Así, sinalou que as empresas deben ser “lugares de encontro transversais” nos que se “abra a transversalidade da sociedade”. No acto de peche participou tamén Mar Medeiros, directora da de RSC da Fundación ONCE.

O alcalde eloxia o labor dos coidadores de barrio aos que o Concello adica 610.000 euros

venres, 30 xuñ 2023

O alcalde achegouse esta mañá á Porta do Sol para saudar aos máis de trinta e cinco profesionais que forman parte do programa de Coidadores de Barrio. Este servizo, que conta cun orzamento de 610.000 euros, préstase durante todo o ano, en horario de mañá e de tarde. Durante o encontro, Caballero felicitou aos traballadores e traballadoras pola súa labor que vai desde acompañamentos a médicos ou compras ata axudas para a realización de trámites ante as distintas administracións.

O alcalde avoga por un “gran pacto social para erradicar a soidade dos maiores”

venres, 9 xuñ 2023

Abel Caballero participou este venres na inauguración do XXXIII Congreso Internacional de Xerontoloxía e Xeriatría que se desenvolve no museo Verbum baixo o lema “Soidade e illamento social. Novos retos e recursos”. O rexedor puxo en valor o traballo que desenvolven os profesionais dedicados a atender as persoas maiores e defendeu a necesidade de acordar un “gran pacto social para erradicar a súa soidade” porque “non podemos permitir que unha parte da sociedade viva en situación de soidade non desexada”.