martes, 8 abr 2025
Os 50 alumnos do Colexio Compañía de María que participan este martes no programa didáctico "Aventura no Vigo Vello- Reconquista 2025", organizado polo Concello para que os escolares de Vigo avancen no coñecemento dun dos episodios máis importantes de Vigo, foron animados por Abel Caballero a gozar dunha actividade coa que percorren os principais enclaves da xesta, así como a interesarse pola historia da cidade. Desde o xoves 27 de marzo, preto de 1.000 escolares de quinto e sexto de Educación Primaria participaron das visitas teatralizadas coa interpretación do alcalde Vázquez Varela, o militar napoleónico Pierre da Pierre e a taberneira Xoana Rial.
martes, 8 abr 2025
O alcalde invitou aos 247 estudantes do CPR Possumus, do CEIP Seis do Nadal, do CEIP A.R. Castelao, do CEIP A Paz Tintureira e do CEIP Igrexa Valadares, a gozar do concerto didáctico organizado este martes pola Escola Municipal de Música folk e Tradicional (E-TRAD) no Auditorio Municipal. O Concello organiza ata o xoves un ciclo de concertos para alumnos e alumnas de 5º e 6º de Educación Primaria de 24 colexios da cidade co que dar a coñecer a cultura musical e instrumental galega así como o labor da escola municipal. “Gozade da música tradicional galega do Rural Sons, magníficamente interpretada" sinalou o alcalde .
martes, 8 abr 2025
O bus turístico volverá estar operativo esta Semana Santa, desde o sábado 12 ata o domingo 20 de abril, cun percorrido polos principais puntos de interese da cidade, segundo anunciou este martes o alcalde.
martes, 8 abr 2025
O alcalde avanzou este martes que o Servizo de Teleasistencia do Concello de Vigo atendeu a 772 persoas no pasado mes de marzo.
luns, 7 abr 2025
Abel Caballero visitou este luns, cos concelleiros Carmela Silva e Ángel Rivas, o novo cruceiro instalado na Praza da Consolación, xunto á parroquia de San Martín, que foi creado pola Escola de Cantería de Galicia coa colaboración da Deputación de Pontevedra durante a presidencia da actual primeira tenente de alcaldía. O monumento inclúe unha dedicatoria á "Xente de Coia".
luns, 7 abr 2025
O alcalde recibiu este luns ás 47 alumnas do Colexio As Acacias que participan na visita didáctica do programa municipal "Aventura non Vigo Vello-Reconquista 2025", animándolles a interesarse por coñecer a historia da cidade e especificamente por un dos episodios de maior transcendencia como consecuencia de que en 1809 a cidadanía de Vigo liderou o inicio da expulsión de España das tropas napoleónicas. Ata o próximo día 11 de abril preto de 1.000 escolares percorrerán, con visitas teatralizadas, os puntos craves do centro histórico de Vigo onde tivo lugar A Reconquista.
luns, 7 abr 2025
Abel Caballero presentou hoxe, co concelleiro de Cultura, Gorka Gómez, o presidente da Fundación SonDeSeu, Anxo Pintos, o director da orquestra, Xaquín Xesteira, e a intérprete solista de arpa, Begoña Riobó, o concerto “Arpas Atlánticas” que terá lugar o 17 de maio, Día das Letras Galegas, no Teatro García Barbón.
luns, 7 abr 2025
Abel Caballero mantivo unha xuntanza coa Fundación do Secretariado Xitano de Vigo e Galicia na que fixeron entrega da bandeira do pobo xitano que xa ondea na Praza do Rei. O goberno local outorga unha subvención de 18.000 euros á Fundación para programas de inclusión sociolaboral. O programa Acceder serviu no 2024 de apoio a 122 persoas de etnia xitana que conseguiron un contrato laboral, das cales o 55% foron mulleres. O 8 de abril conmemórase o Día Internacional do Pobo Xitano, na que se recorda o primeiro Congreso Mundial romaní celebrado en Londres en 1971, onde se instituíu a bandeira e o himno deste pobo. Amais, este ano 2025 conmemórase o 600º aniversario da chegada das persoas xitanas á península ibérica. Na actualidade, o 8 de abril é unha xornada na que se reivindica o seu dereito ao recoñecemento e á igualdade.
venres, 4 abr 2025
O alcalde reclamou hoxe, ante os 200 especialistas que participan no "I Congreso Estatal de Linfedema, Lipedema e Insuficiencia Venosa", que ten lugar no Hospital Álvaro Cunqueiro, a dotación de máis recursos para que os especialistas conten co mellor contexto e medios técnicos para desenvolver o seu traballo e atención médica dunhas patoloxías que afectan de forma maioritaria ás mulleres. Abel Caballero expresou a vontade de colaboración do Concello de Vigo, asegurando que "estaremos presentes no que poidamos contribuír".
venres, 4 abr 2025
Abel Caballero entregou hoxe as medallas da carreira solidaria organizada polo Colexio Possumus, que este ano coincide co Día mundial da actividade física e o deporte, en favor do colexio kenyano, Habari Njema Hope School. A iniciativa, liderada pola directora do centro, Alba Villar, serve para dotar ao centro de aulas e corredores con solo de cemento, así como para reparar pingueiras, arranxar xanelas e portas, ademais de iniciar a construción dunha aula nova. O Concello colabora coas 230 medallas recibidas polo alumnado do centro.
