Caballero avanza que Urbanismo ultima unha nova proposta para Barrio do Cura

O alcalde de Vigo, Abel Caballero, avanzou que a Concellería de Urbanismo está ultimando unha nova proposta de planeamento para Barrio do Cura, unha vez coñecida a decisión da Comisón de Patrimonio de non aprobar os derribos dalgús edificios solicitados pola propietaria o pasado mes de abril, petición reiterada en xullo e agosto. Logo de solicitar ao organismo provincial "máis celeridade" na resposta xa que "non poden ter parada unha actuación destas caracterísiticas durante seis meses", o rexedor destacou a súa vontade de cooperación coa Comisión para "resolver un problema de bastante envergadura para a cidade". A partir de agora, precisou, presentaremos unha proposta que "termine coas incertidumbres" e solicitaremos á propietaria que volva pedir a demolición dos edificios en estado de ruína para que nun prazo "breve" a empresa esté en condicións de facer un derribo "moi necesario".