A Xerencia de Urbanismo iniciará o próximo martes a tramitación do Plan Especial do Ensanche o que permitirá abordar a planificación urbanística para a protección e rehabilitación do ámbito. Nesa mesma reunión, licitarase a construción de 27 vivendas protexidas en Tomás Alonso.
O rexedor amosou os primeiros mupis instalados na emblemática rúa Broadway. Tamén informou da instalación de “15 grandes pantallas ao longo e ao ancho da cidade para mellorar a rede de sinalización e a comunicación coa cidade”.
Abel Caballero saudou este venres aos profesionais, expertos e representantes da Asociación Española de empresas instaladoras e mantenedoras de equipos e sistemas de protección contra incendios, que celebraron na cidade unha xornada técnica sobre normativa e seguridade. Trasladoulles a importancia do seu traballo, algo que, tal e como apuntou o rexedor, a cidade viu de forma clara nos incendios sufridos no ano 2017, e salientou o labor que desenvolven os bombeiros da cidade, amais de convidar a tódalas persoas asistentes, procedentes de diferentes puntos de España, a visitar a cidade.
Abel Caballero deu conta este venres da contratación da redacción dos proxectos de execución das obras en distintas vías do centro e dos barrios: “a maior tanda de humanizacións que se fixo nunca na historia da cidade”.
Centos de participantes de distintas escolas e grupos de baile danse cita no Auditorio Mar de Vigo o sabado 8 e o domingo 9 de novembro.
O alcalde afirmou hoxe que o acordo para descentralizar a docencia do grao de Medicina nos tres últimos cursos, que se axusta á proposta imposta polo presidente da Xunta, é “unha pésima noticia” para Vigo. Advertiu de que non vai parar de demandar a facultade.