Abel Caballero anunciou a data que ata agora “era o segredo mellor gardado e cobizado do planeta”. O sábado 15 de novembro Vigo acenderá o Nadal “en todo o mundo” desde a árbore de Porta do Sol. O alcalde invitou a toda a cidadanía a achegarse ata Vigo para gozar de todo o tempo que dure o Nadal. Case 12 millóns de luces led alumearán 460 rúas da cidade, que sumará novos espazos cos mercados de Nadal da praza de Vialia e Bouzas.
Abel Caballero proclamou este martes, ante os participantes no acto informativo "Vigo, economía do século XXI", organizado por “Executive Forum España” co apoio de Urbaser, que a “Vigo xa non a para ninguén” e que “xa non renuncia a nada” porque a cidade superou un pasado marcado polas negativas decisións dos gobernos de Aznar, Rajoy, Feijóo e Rueda de quedar fóra permanentemente dos plans dos gobernos central e autonómico.
O alcalde informou que se investirá nunha actuación pioneira na recollida de cabichas no casco histórico de Bouzas. O investimento tamén está dedicado á adquisición de 3 novos camións de recollida de residuos orgánicos e 17 novos puntos limpos móbiles.
O Tribunal Superior de Xustiza de Galicia (TSXG) revogou a sentenza que condenou ao Concello de Vigo a pagarlle á promotora Sweet Nocturna 1.563.000 euros -máis IVE e intereses- polo concerto que Guns N' Roses ofreceu no estadio municipal de Balaídos en xuño de 2023. Desta forma, estimou o recurso de apelación interposto polo Concello contra a sentenza do Xulgado do Contencioso-administrativo número 2 de Vigo.
O alcalde respaldou esta mañá a reclamación dos Técnicos Sanitarios Superiores para que se lles recoñeza os seus estudos como grado universitario. Tamén reiterou o seu apoio aos radiólogos en folga porque reclaman un profesional máis por quenda.
Abel Caballero censurou este martes o “maltrato” que o Goberno autonómico presta ao ámbito educativo na cidade citando casos como o do Manuel Antonio ou o do Ceip A Paz Tintureira en Coruxo.