A Corporación Municipal rendeu homenaxe este luns a Sergio Sanlés, o bombeiro municipal que perdeu a vida este sábado en acto de servizo na cidade, gardando tres minutos de silencio na súa memoria ao inicio da sesión plenaria ordinaria correspondente ao mes de maio.
A tenente de alcalde e edil de Urbanismo e Vivenda, María José Caride, informou que o Concello actuará “de xeito inmediato e urxente” no edificio de Beiramar 127 onde un bombeiro perdeu a vida este sábado nun acto de servizo. O inmoble non tiña expedientes previos por incidencias ou problemas.
O Pleno da Corporación de Vigo aprobou hoxe, cos votos dos concelleiros dos grupos municipais do PSdeG-PSOE e do BNG, a moción socialista que insta á Xunta de Galicia a incrementar en Vigo as prazas públicas de centros de atención residencial, o investimento per cápita en materia de dependencia, e a activar un plan de choque para desbloquear tanto as listas para a valoración, que nestes momentos acumula 370 días de espera, como o acceso á carteira de servizos e a unha praza nunha residencia pública, que suma dous anos de espera.
Abel Caballero avanzou que o Concello resolveu as primeiras 95 subvencións para a mellora da eficiencia enerxética de edificios de 14 zonas da cidade, un programa dotado de 6,4 millóns procedentes de fondos europeos. En Coia adxudicouse xa o importe total das axudas cunha media de subvención do 72%. No resto das zonas, abrirase ata novembro unha nova convocatoria en réxime de concorrencia non competitiva.
Os socialistas aprobaron a moción cos seus votos favorables, o apoio do BNG e a abstención do PP . O edil e voceiro, Carlos López Font, defendeu a petición de CONXEMAR “porque todo o espazo que se foi construíndo foi cuberto sempre, tendo aínda máis solicitude de espazo”.
O goberno municipal de Vigo garante que o Concello mantivo en 2023 o máximo control dos gastos municipais coa fiscalización “plena”, en prazo, e cumprindo coa legalidade, de “todos” os expedientes. “Comprobamos que o feito é o contratado”, afirmou este luns o concelleiro de Orzamento e Facenda, Jaime Aneiros, na sesión en que os edís dos grupos municipais do PSOE e do BNG votaron a favor da moción socialista para instar á Xunta a que desconxele e aumente a asignación que mantén con Vigo desde fai dez anos, de 6 millóns, con cargo ao Fondo de Cooperación Local-Participación nos ingresos da administración galega.
O alcalde presentou este luns o ciclo musical que inclúe case 40 concertos de jazz, folk e música clásica en 15 emprazamentos da cidade. A rolda de prensa contou coa música en directo de Ernesto Campos (guitarra) e Leni Pérez (voz e percusión).
O alcalde informou da súa posta en marcha “dende o sábado 1 de xuño” cun servizo que funcionará tódolos días e contará “con dúas saídas pola mañá ás 10:00 e 12:00 horas e dúas saídas pola tarde, ás 16:30 e 18:30 horas”.
Abel Caballero achegouse esta mañá á posta en marcha do novo Burger King da cidade, situado no número 101 da Gran Vía. Trátase dunha iniciativa pioneira que une tradición e tecnoloxía, cos xogos e o tempo de calidade en familia como eixos centrais e que decidiu elixir Vigo para a súa implantación, dado o seu carácter acolledor e familiar. O local conta con instalacións para todos os membros da familia, nas que realizar actividades, dinámicas e xogos de acción, analóxicos e dixitais, en pantallas, mesas ou bandexas, entre outros, para que os clientes completen a súa experiencia culinaria, converténdoa en lúdica e sensorial. Durante a inauguración, Caballero destacou a importancia da actividade económica e comercial na creación de postos de traballo.