O alcalde presentou esta mañá o proxecto, unha representación virtual con máis de 25 visores interactivos que permiten navegar en 3D pola cidade.
Abel Caballero visitou as obras da grada de Marcador do Estadio Municipal de Balaídos. A nova grada avanza segundo as previsións do Concello e xa está a levantar a sexta estrutura, a penúltima, co obxectivo de ter rematado no mes de marzo a cuberta exterior. O alcalde dixo tamén en rolda de prensa que xa fixeron as probas dos asentos e avanzou que na semana do 27 de febreiro a estrutura estará completada. O Concello e a Deputación de Pontevedra invisten 18 millóns de euros na grada de Marcador.
O Concello retoma o programa de becas para os alumnos e alumnas da Escola Oficial de Idiomas. Serán un total de 100 para unha inmersión lingüística de dúas semanas que inclúe a viaxe, o aloxamento e un curso homologado.
A hostalería e o comercio local foron os sectores nos que máis creceu o emprego durante o pasado mes de decembro. Un informe do Instituto Galego de Estatística revela que as afiliacións á Seguridade Social, con 108.577 inscricións, rexistraron un récord histórico.
Durante a súa intervención, Abel Caballero, quixo sinalar que "en Vigo estamos orgullosísimos de vós e do voso traballo" xa que "somos a cidade da economía, e aquí teredes, no alcalde, un defensor do voso traballo, da vosa acción, do voso valor". Tamén destacou a importancia da tecnoloxía e a industria da distribución na saída da crise e o seu desenvolvemento a través dos fondos europeos.
O goberno local deu luz verde á renovación do convenio de colaboración coa ludoteca de APAMP á que aporta 24.500 euros. Caballero deu conta, ademais, da concesión de 716 axudas de emerxencia no que vai de ano o que beneficiou a 2.000 persoas.
Abel Caballero visitou este venres as instalacións do centro educativo, situado en Coia, onde coñeceu de primeira man os disfraces que o alumnado e o profesorado do centro preparou para celebrar o Entroido. O rexedor valorou a creatividade da comunidade educativa e a ilusión das nenas e nenos por participar nesta festa.