martes, 29 xuño 2021

O rexedor avanza a celebración dun “gran salón” do automóbil en Vigo

martes, 29 xuñ 2021

A trixésima edición do Salón do Automóbil de Vigo desenvólvese no Ifevi dende este mércores 30 de xuño e ata o domingo 4 de xullo acollendo a presentación das novidades de máis de 30 marcas do motor. Durante a visita á montaxe do evento, o rexedor augurou un “gran salón, moi atractivo, no que coñecer os avances do sector”, na que será a “maior exposición comercial de motor de toda Galicia”. Amaia, agradeceulle aos expositores que, nestes momentos nos que estamos saíndo da pandemia, “estean presentes e sigan dinamizando a economía da cidade”.

O alcalde reúnese co embaixador de Arxentina en España

martes, 29 xuñ 2021

Abel Caballero mantivo un encontro este martes con Ricardo Alfonsín, embaixador de Arxentina en España, nunha entrevista que cualifica como “moi importante polo que significa Arxentina en Vigo e pola cantidade de persoas nacidas alí que forman parte da cidadanía de Vigo”. Na rolda de prensa posterior á reunión, o rexedor referiuse a Arxentina como un “gran país, amigo e irmán” e compartiu co embaixador a viaxe “entrañable” percorrendo toda Galicia que realizara co seu pai, Raúl Alfonsín, cando este era presidente da República Arxentina.