O goberno de FEMP que preside o alcalde de Vigo mantén na tarde deste xoves unha reunión coa vicepresidenta Ribera e os ministros Illa e Darias. Abel Caballero proporá entrevistas continuas para coordinar un proceso de desescalada que cada cidade terá que adaptar ás súas circunstancias.
alcalde avanzou que o Concello de Vigo iniciará este venres nos mercados do Progreso, Teis e As Travesas, ademais das parroquias de Beade, Bembrive, Cabral e Candeán, o reparto das primeiras 20.000 máscaras de protección de forma gratuíta.
Os 625 menús converten este xoves “no día na historia desta cidade no que se reparten máis comidas a familias que as necesitan”, segundo asegurou o alcalde. Ademais, onte mércores se concederon outras 41 axudas de emerxencia, “máis do que damos nunha semana” en condicións normais, anotou Caballero.
O Goberno local prosegue coas obras públicas, entre as que se atopa o programa de asfaltados por toda a cidade que conta cun orzamento de 1,6 millóns. Segundo avanzou o rexedor, o próximo luns 27 de abril empezarán os traballos en Sanjurjo Badía.
Amais, con motivo do Día do Libro, o Concello, a asociación Vigo Gastronómico e a Editorial Galaxia colaboran na entrega de 500 exemplares de “A Batalla de Rande” coas comidas que se levan aos domicilios.