FEMP e Goberno inician mañá a coordinación para comezar a perfilar a saída do confinamento
Abel Caballero lembrou que mañá pola tarde terá lugar a primeira reunión a través de videoconferencia coa vicepresidenta Teresa Ribera e máis os ministros de Sanidade e Política Territorial, Salvador Illa e Carolina Darias, respectivamente. O obxectivo é coordinar a integración dos concellos na desescalada.
Abel Caballero e a Xunta de Goberno da FEMP manterán mañá a primeira reunión co Goberno para perfilar a desescalada no momento no que se inicie o proceso. No encontro participarán a vicepresidenta e ministra de Transición Ecolóxica, Teresa Ribera, ademais dos ministros de Sanidade e Política Territorial, Salvador Illa e Carolina Darias. Ademais de avanzar na forma de recuperar a normalidade finalizado o confinamento, tamén se abordará o posterior proceso de reconstrución económica e social, no que os concellos contarán cos remanentes e o superávit para cooperar na dinamización social e económica dos territorios.