Abel Caballero asinou este martes a orde para o inicio da elaboración do orzamento do Concello para 2020, unhas contas que primarán o investimento para continuar transformando a cidade, as políticas sociais e o emprego. Esta mesma semana serán aprobadas as ordenanzas fiscais, segundo avanzou o alcalde.
Abel Caballero valorou este martes os datos de visitantes e pernoitas do pasado mes de xuño en Vigo, os mellores datos desde que existen rexistros no Instituto Nacional de Estatística (INE) con 39.541 viaxeiros e 87.214 pernoitas, case que un 14% máis que o mesmo mes do pasado ano.
Abel Caballero fixo propia a demanda da ampliación en 5.000 metros cadrados do recinto feiral de Cotogrande, feita pública onte polos responsables da feira. A petición de Conxemar ten "apoio incondicional" do Concello e do alcalde, quen rexeita "as dúbidas da Xunta"
O alcalde informou hoxe de que Manuel Reigosa, "un grande reitor, cheo de ideas", lerá o pregón do Día de Galicia en Vigo, e apuntou que "estamos encantados de que teña aceptado ser o lector do Bando" no acto que o Concello organiza o próximo martes, 30 de xullo, ás 21 horas no Pazo Quiñones de León en Castrelos. O evento será aberto a toda a cidadanía que queira sumarse á celebración do 25 de xullo en Vigo.
A veciñanza da zona organizou este martes un acto con música e baile para celebrar a humanización dunha parte do barrio que inclúe un mural. O Concello ten investido máis de 500.000 euros nesa zona da cidade.
O alcalde visitou este martes o Centro Comercial Travesía de Vigo, que acolle esta mostra composta por 47 obras que empregan a porta como lenzo e simbolizan cada unha das 47 vítimas que rexistrou España en 2018 por violencia machista. Poderá ser visitada ata o 4 de setembro.
Abel Caballero recibiu este martes aos creadores e industrializadores do ximnasio "máis pequeno do mundo", un sistema portátil deseñado para poder realizar a práctica de exercicios en calquera espazo, especialmente pensado para as persoas con problemas de mobilidade e motricidade que, segundo adiantou o alcalde, está acadando bo éxito no seu proceso de distribución no mercado.
O alcalde de Vigo agradeceu ao Club de Remo Coruxo, representado polo seu novo presidente, Fernando Álvarez, o esforzo organizativo que supón por en marcha a Bandeira Concello de Vigo de traiñeiras, que se vai celebrar este domingo día 28 no Vao (12:00 horas) co patrocinio municipal.