Coincidido cos corenta anos do accidente do río Órbigo no que perderon a súa vida 49 persoas, o goberno local colocará esta tarde unha placa na Lonxa do Concello en memoria das vítimas e da súa familia. Esta homenaxe desenvolverase de xeito simultáneo ao tributo que se organiza en Santa Cristina da Polvorosa -onde tivo lugar o sinistro - e no que participarán os edís Olga Alonso e Ángel Rivas.
A Xunta de Goberno Local dará luz verde tamén aos convenios de colaboración coa Asociación Freixeiro de Axuda ao Necesitado, por 55.000 euros, e con Érguete que ten un importe de 45.000 euros.
O Boletín Oficial da Provincia de Pontevedra (Boppo) publica este mércores a convocatoria de axudas para a instalación de ascensores, mellora de accesibilidade e eliminación de barreiras arquitectónicas en edificios residenciais colectivos existentes para o período 2019.
Abel Caballero participou este mércores na presentación do VI Certame de Relatos Vigo Histórico, organizado pola Editorial Elvira coa cooperación do Concello. Desde mañá xoves, 11 de abril, e ata o 1 de xullo, aberto o prazo para recibir os orixinais, con Vigo como protagonista e que serán avaliados por un xurado que incorpora ao historiador José Luís Mateo Álvarez.
Abel Caballero informou de que o aeroporto de Vigo experimentou durante o pasado mes de marzo un aumento do 19 por cento no número de pasaxeiros respecto ao mes anterior. Na comparativa co ano 2018, no primeiro trimestre tamén creceu un 4,3%.
Abel Caballero asistiu este mércores ao peche do I Congreso de Valores para mozos de Vigo que organiza a Fundación "Lo que te mueve" a través de charlas motivacionais e de valores co alumnado de Secundaria. O rexedor destacou a importancia da educación en valores e da súa promoción na sociedade actual, que debe enfrontarse a realidades que supoñen retos, como é o caso da inmigración ou da violencia de xénero.
Organizado polo club Peña Trevinca, coa colaboración do Concello e da Universidade de Vigo, celebrarase o 4 de maio coa proxección de nove curtas no Auditorio do Teatro Afundación.