Caballero acudirá o vindeiro martes a Madrid para manter unha reunión co secretario de Estado de Facenda na que recibirá o borrador do decreto que permitirá ás Corporacións Locais investir o superávit de 2017. "Recoñezo a celeridade, están respondendo a súa palabra", sinalou o alcalde.
O Concello eleva a 12 os coidadores que atenderán ás 250 familias con menores que reciben apoio socio-educativo municipal. O alcalde deu conta esta mañá da aprobación da contratación dun servizo ao que dedicará 2.839.000 euros nos próximos catro anos.
Abel Caballero informou este venres da aprobación do expediente de contratación da humanización da Provincial por 2,9 millóns de euros, en convenio coa Deputación que preside Carmela Silva. O Concello tamén licita as humanizacións de Serafín Avendaño, Roupeiro e Heraclio Botana por 487.000 euros.
O alcalde deu conta do avance do proceso administrativo que permitirá contratar a trece mulleres vítimas de violencia de xénero para desenvolver durante un ano labores administrativas e de conserxería en dependencias municipais. Este programa de inserción laboral está dotado con 178.000 euros.
O goberno de Vigo licita a elaboración do estudo de viabilidade económico-financiera por 86.500 euros, un documento que servirá para determinar o modo de uso e explotación do estadio, o canon e o prazo de duración da concesión, segundo informou Abel Caballero este venres.
Caballero explicou que a auga de Vigo "é apta para o consumo" e de "óptima calidade" en base aos resultados dos análises realizados pola Xunta durante o último mes de 2017 e o primeiro de 2018. Segundo o rexedor, son máis analíticas que as feitas no resto das cidades galegas.
O alcalde de Vigo, Abel Caballero, presentou hoxe o programa municipal de cross escolar 2018, que arrinca este domingo no colexio Monterrey, na Travesía de Vigo, e que ata novembro celebrará un total de seis probas en diferentes centros de ensino da cidade e tamén unha no parque de Castrelos.<br />