Despois dunha reunión celebrada o pasado venres entre o goberno de Vigo e o Ministerio, o alcalde anunciou este luns que existe preacordo para reformar a Avenida de Madrid, pendente de definir o escenario final nunha reunión na que Abel Caballero solicitará a Ana Pastor a humanización de toda a vía, desde o Seminario ata a Praza de España. <br />
Segundo informou este luns Abel Caballero, o Concello xa recibiu o convenio de incorporación ao plan de transporte metropolitano, un texto co que "estamos de acordo" e inicia a tramitación previa á súa sinatura, que o alcalde estimou para a próxima semana. <br />
Abel Caballero anunciou o envío dun escrito a todos os partidos que se presenten ás eleccións autonómicas para que introduzan nos seus programas a reversión ao público do hospital de Beade-Valadares no primeiro ano de mandato, "goberne quen goberne" na Xunta de Galicia.
Os comercios do Casco Vello e Bouzas poderán ampliar o seu horario habitual logo do "acordo significativo" acadado entre o Concello e os representantes do pequeno e mediano comercio vigués. Abel Caballero informou este luns do resultado das reunións mantidas para establecer unha zona de liberalización horaria que non prexudique aos pequenos e medianos establecementos.
O concelleiro de Cultura, Cayetano Rodríguez, presentou este luns a programación do Festival Internacional de cine de Vigo que proxectará 55 curtas e 22 longametraxes ao longo de dez xornadas nas que haberá charlas, retrospectivas de cinema galego, proxeccións para os máis pequenos e unha clase maxistral de Mario Iglesias.
O alcalde de Vigo, Abel Caballero, acompañado polo concelleiro de Deportes, Manel Fernández, recibiu a representantes da organización, con Fina Barreiro, presidenta da Asociación de Veciños, e Jesús Bouzada, director do centro cultural, encabezándoa.<br />
A Concellería de Igualdade organiza ao acto de presentación do libro "Elas" da escritora Aurora Marco, acto que inaugurará a mostra que baixo o mesmo título estará exposta na sala de exposicións da Casa Galega da Cultura desde o día 18 de maio ata o día 19 de xuño. O libro é unha compilación de biografías seleccionadas ad hoc, que permite ter unha visión do papel determinante que tiveron na sociedade do seu tempo as mulleres galegas.