Segundo comunicou este venres Abel Caballero, os interesados poderán presentar as súas solicitudes ata o 15 de xuño, pedindo cita previa ben no 010, ben nos centros municipais de servizos sociais de Coia, Rivera Atienza, Princesa e Teis. "Estamos moi orgullosos deste programa", subliñou o alcalde, pois "consegue que en Vigo ninguén estea desafiuzado".
Caballero recibiu esta mañá ao responsable de PSA Peugeot Citroën Vigo, Yann Martin, cunha felicitación que fixo extensiva a todos os traballadores da factoría de Balaídos pola adxudicación dun novo modelo. Durante o encontro, Caballero reiteróulle a vontade do Concello de seguir cooperando para que a planta viguesa continúe máis dunha década traballando ao máximo da súa capacidade de produción e emprego.
Caballero deu conta esta mañá da aprobación do proxecto de obras que permitirá que o Auditorio Mar de Vigo acolla á UNED e unha sala de estudo nas prantas 4ª, 5ª e 6ª. Tal e como lembrou o rexedor, estes traballos de remodelación, máis a dotación de mobiliario, correrán a cargo da Deputación no que supón unha aportación final de 800.000 euros.
O alcalde avanzou hoxe venres que o Ministerio de Fomento asumirá a humanización da Avenida de Madrid cun proxecto valorado en 9 millóns de euros. Deste xeito, Vigo contará cun novo acceso á cidade en dous anos e medio, prazo no que se prevé acometer as obras, que irán desde o Seminario ata a Praza de España.
Nunha reunión cos responsables da Asociación de Comerciantes do Berbés, Abel Caballero trasladou o visto bo ao proxecto de dotar ao Mercado do Berbés dun ámbito de degustación e espazos para a gastronomía. O rexedor asegurou colaboración para finalizar a remodelación e adaptar as superficies a este novo modelo de mercado.
Abel Caballero mantivo este venres un encontro cos representantes do Colexio Oficial de Graduados Sociais. O colectivo demanda máis espazo no futuro emprazamento da xustiza na torre do Xeral, petición da que o alcalde faise eco pois "se precisa moito máis" espazo para os graduados sociais na "Cidade da Xustiza do século XXI"
2Cellos visitan España por primeira vez con concertos en Madrid e en Vigo, no Auditorio Mar de Vigo este sábado, ás 21 horas, da man de 1906. Na presentación do evento, o alcalde agradeceu á Corporación Hijos de Rivera o "desenvolvemento cultural" na cidade.
O alcalde de Vigo, Abel Caballero, acompañado polo concelleiro de Deportes, Manel Fernández, recibiu ao VGO Basket, campión de 1ª División Autonómica e que por segundo ano consecutivo logrou o ascenso á Liga EBA, a cuarta categoría do baloncesto masculino estatal.