O alcalde de Vigo asinou hoxe martes un convenio de 46.000 euros co Comedor da Esperanza, proseguindo coas achegas a comedores sociais da cidade aos que o goberno local adica 446.000 euros. En rolda de prensa, destacou que Vigo é o concello coa política social "máis intensa" de toda España, logo de asegurar que con apoio municipal no ano 2014 servíronse 161.000 comidas nas distintas ONGs da cidade.
Unha vez recibida a autorización de Fomento o pasado 1 de abril, Abel Caballero informou esta mañá do inicio dos traballos de mellora dos carrís exteriores do principal acceso á cidade, toda vez que o Concello recibiu hoxe un escrito do Ministerio rexeitando facerse cargo da humanización de toda a Avenida.
Segundo informou o alcalde este martes, xa está aberta a inscripción para apuntarse á xornada de turismo sostible e cultural que organiza o goberno local este sábado, 11 de abril. O Concello programa 210 prazas con 12 monitores en paseos sonoros, artísticos e de natureza, para levar turistas ás Cíes en tempada baixa e diversificar a oferta.
O alcalde deu conta esta mañá do acordo de colaboración con Érguete de 45.000 euros para financiar os pisos de apoio á reinserción de ex toxicómanos en tratamento. Destacou o compromiso do goberno local na loita contra a drogodependencia que adica a Cedro un millón de euros ao ano, a pesar de que as competencias sanitarias no son municipais, senón autonómicas. <br />