O goberno local ven de aprobar o proxecto, por importe de 630.000 euros, para dispoñer dun ascensor inclinado en Juan Ramón Jiménez que salve os 20 metros de altura entre Menéndez Pelayo e a Avenida das Camelias. O alcalde tamén informou das aprobacións de proxectos de humanización en Gregorio Espino, Gerona e Aragón, cun orzamento superior ao millón de euros.
Caballero avanzou esta mañá a vontade do goberno de consensuar con todos os axentes implicados a ordenanza de comercio da que xa está elaborado o borrador. Así o trasladou esta mañá aos membros da Mesa de Comercio que se reuniu na Alcaldía para abordar tamén outros temas como as campañas de promoción do comercio local ou o impacto dos cruceiros.
Caballero saúda con entusiasmo o anuncio de FAO de organizar o ano que ven na cidade un "macrocongreso" de pesca e alimentación no que participarán máis de 140 países. Lembrou que mañá arranca Conxemar cun chego total de todos os hoteis da zona.
O alcalde, a tenente de alcalde e o concelleiro de Fomento acompañaron este luns aos responsables do Colexio de Arquitectos ao parque de Castrelos polo Día Internacional do sector, baixo o lema "Cidades Saudables, Cidades Felices". Caballero defendeu que os arquitectos aposten pola calidade de vida de todos os colectivos e por crear espazos de ocio e recreo de forma "sostible" e pensando na "utilidade social".
O alcalde de Vigo, Abel Caballero, asinou este luns un convenio de colaboración entre a administración que preside e FEAFES, a Federación de Asociacións de Familiares de Enfermos Mentais de Galicia. Coa achega económica rubricada esta mañá, o goberno local colabora coa entidade nos gastos de financiamento do seu local, ubicado en Serefín Avendaño.