A Xunta Local de Goberno aprobou hoxe venres tres convenios de colaboración con asociacións de comerciantes dentro do marco do Plan de Emprego 2013. O alcalde cifrou en máis de 4 millóns de euros a partida municipal para emprego e reiterou que Vigo é a única cidade de España cun plan destas características.
A Xunta Local de Goberno aprobou o inicio do expediente de extinción da concesión administrativa do restaurante Jonathan, debido ao falecemento de Karina Falagan. Outro dos acordos tomados na reunión semanal do goberno pasa por dar luz verde á pavimentación do vial de acceso á presa de Eiras.
A Asociación Provincial de Empresarios da Construcción (Apec) valora "en sobremanera " que o Supremo validara do PXOM de Vigo. Así o enfatizou Caballero logo de manter unha reunión de traballo con responsables deste colectivo na que se prantexaron posibles vías de cooperación entre ambas entidades.
O alcalde de Vigo mantivo hoxe venres un encontro cos organizadores do próximo Congreso europeo de Mecánica de Rocas, que chegará a Vigo en maio do ano próximo. O Concello cooperará cos promotores deste evento, vencellados á facultade de Minas da Universidade de Vigo. O último congreso internacinal do sector organizouse en Pekín e o ano que vén será Vigo a que reciba aos máis de 300 participantes que espara a organización.
O alcalde Abel Caballero presentou hoxe a Gran Festa Romana-Celta, un espectáculo visual e sonoro "para revivir unha etapa histórica de vigo" que terá lugar o 18 de xullo no Auditorio de Castrelos, ás 23 horas con entrada libre.