xoves, 9 maio 2013

Caballero eloxia a valentía do avogado Roberto González Pastoriza no descubrimento dunha placa co seu nome nun edificio da rúa Progreso

"É para min hoxe un privilexio descubrir esta praca dun grande defensor da liberdade". Con estas verbas referíase Caballero ao acto de homenaxe ao avogado Roberto González Pastoriza, quen desde hoxe xoves conta cun recoñecemento público na vivenda que ocupou na rúa Progreso, esquina con Pracer. Durante o acto, o alcalde louvou a figura deste xurista represaliado polo seu compromiso coa democracia e as liberdades.

Inauguración da exposición "Espiñas Coroadas" de Lito Portela

xoves, 9 mai 2013

O vindeiro venres 10 de maio inaugurarase na Fundación Laxeiro (3º andar da Casa das Artes, r/ Policarpo Sanz, 15), coa colaboración da Concellería de Cultura e Festas, a exposición "Espiñas coroadas", do artista Lito Portela (Moaña, 1958), que amosa a súa reflexión sobre a natureza, as persoas e o estranamento destas ante o mundo que nos rodea e nos acolle.

Biblioteca da EMAO, venres 10 de maio ás 19:00 horas

Conferencia "O contexto artístico de Emilio Fernández Rodal" na Escola de Artes e Oficios de Vigo

xoves, 9 mai 2013

Dentro das actividades complementarias da Exposición Emilio Fernández Rodal (1912-1972). Retrato de Sociedade dun artista vigués, que se exhibe, ata o día 6 de xuño, na sala de exposicións (Espazo EMAO) da Escola de Artes e Oficios de Vigo, Beatriz De San Ildefonso, conservadora da Museo de Pontevedra e especialista en pintura galega contemporánea, impartirá a conferencia titulada "O contexto artístico de Emilio Fernández Rodal: as claves da súa pintura". O acto terá lugar na Biblioteca da Escola de Artes o venres 10 de maio ás 19:00 horas, con entrada libre ata completar o aforo.<br />