O alcalde de Vigo criticou hoxe martes a decisión da Xunta de rebaixar nun 12% as axudas a bolsas de comedor, o que supón un recorte de 2,5 millóns de euros. Tal e como explicou, o Concello "volve suplir a política antisocial de Feijóo".
Abel Caballero visitou este martes os traballos levados adiante por técnicos e máis de 300 alumnos e alumnas do Pintor Laxeiro, Escultor Acuña, Don Bosco e Illas Cíes. A replantación da Avenida de Castelao comeza de Praza América á rotonda do Alcampo, con 100 exemplares de 17 especies distintas.
O atletismo popular en Vigo pasou de 4.000 participantes en 2008 a máis de 10.000 este ano, tal e como relatou hoxe martes o rexedor, un día no que se entregan os premios do Circuíto de Carreiras Populares 2012. Caballero destacou que a media maratón de Vigo prevista para o mes de maio xa está homologada e avanzou a posibilidade de que Vigo conte nun futuro cunha maratón.
As instalacións da Alcaldía do Concello de Vigo cumpren cinco anos acollendo o arte de artistas de ou directamente vencellados á cidade. Hoxe martes tivo lugar a inauguración dunha nova edición de Mostrarte na Alcaldía, con obras dun home e dunha muller que se expresan a través da cor, da figuración e da abstracción.