A alcaldesa, Corina Porro, e o presidente da Autoridade Portuaria, Abel Caballero, reuníronse hoxe martes para trataren das necesidades de crecemento do Porto de Vigo, co obxectivo de facelo máis competitivo e aberto aos cidadáns.
A bahía de Bouzas converterase na noite do venres día 11 nun grande auditorio co espectáculo audiovisual "A festa do mar". Este evento, no cal actuará como figura central o gaiteiro Xosé Manuel Budiño, será o punto culminante das celebracións previas á saída da Volvo Ocean Race.
"Pano de Lona" é o título do libro que editou o Arquivo Pacheco e que presentou o luns a alcaldesa, Corina Porro, un acto que se celebrou no Verbum, con motivo da saída da volta ao mundo de vela.
Dentro da programación de animación que organiza o Concello con motivo da saída da Volvo Ocean Race, o xoves, día 10 de novembro, ás 19 horas, nos Cines Yelmo terá lugar, en primicia , a estrea da nova película de Walt Disney "Chicken Little" a favor da ONG Cooperación Internacional e do seu proxecto "Un Sorriso por Nadal" que cada ano mobiliza a máis de 4.000 xoves voluntarios en Vigo e outras 20 cidades españolas, e que beneficia a milleiros de nenos e persoas desfavorecidas.