A alcaldesa, Corina Porro, inaugurou hoxe mércores o "Village", un centro de actividades situado na Estación Marítima co gallo da Volvo Ocean Race. O "Village" acolle as carpas do Concello, da Xunta e de patrocinadores do evento, erixíndose no seu referente comercial e informativo para vigueses e visitantes.
Dous grupos punteiros na escena musical española, Chambao e Pastora, actuarán no Pavillón das Travesas mañá xoves a partir das 21:00. Este concerto, que foi presentado hoxe mércores pola concelleira Lucía Molares, forma parte do programa de celebracións previas á saída da Volvo Ocean Race.
Con motivo dos actos programados na Semana da Saída da Volta ao Mundo de Vela "Volvo Ocean Race", infórmase das medidas excepcionais de tráfico que se van a adoptar:
Coincidindo co terceiro aniversario da súa apertura de portas ao público o 13 de novembro, e coa saída oficial da Volta ao Mundo de Vela do Porto de Vigo o 12 de novembro, o MARCO organiza unhas xornadas de portas abertas durante os días 11, 12 e 13 de novembro, nas que será gratuíto o acceso ao museo e a todas as actividades previstas para eses días.
A partir do próximo sábado 12, os nenos e nenas entre 9 e 12 anos poden participar no obradoiro do Servizo de Normalización Lingüística do Concello "O falar non ten cancelas", co que se pretende que aprendan as utilidades da lingua dun xeito divertido.