A localidade galega de Vigo e a portuguesa de Chaves colaboran no desenvolvemento dun proxecto que ten por finalidade demostrar que as enerxías renovables funcionan. Trátase da conexión e complementariadade de senllos centros divulgativos, o de Vigo situado no Zondal, nos que se utilizarán diverasas clases de enerxías limpas.
A concelleira de Participación Cidadá, Réxime Interior e Benestar Social, Marta Iglesias, mantivo onte xoves unha reunión coas asociacións de estranxeiros que hai en Vigo, na que se acordou iniciar unha serie de charlas informativas para inmigrantes e emigrantes retornados, así como unha campaña contra o racismo nos colexios.
A Oficina Municipal de Voluntariado do Concello de Vigo participa cun stand na "Conferencia Internacional de Voluntariado e Novas Tecnoloxía:Volunet" que se celebra ata o día 9 de abril no Palacio de Congresos de Santiago . A Oficina está a difundir a imaxe da nova campaña publicitaria o tempo que distribúe información para voluntarios/as e entidades de voluntariado que queiran inscribirse na OMV e colaborar .
"Para que no se duerman mis sentidos" é o último traballo do cantante albaceteño e catalán de adopción, que será presentado en Vigo despois de facelo na Coruña hoxe venres pola noite. O concerto comezará ás dez e media da noite.
A alcaldesa Corina Porro participou no acto conmemorativo do "Día Internacional dos Xitanos" no que se realizou unha ofrenda floral desde a ponte do río Lagares. O acto estivo organizado pola Asociación de Mulleres Xitanas de Vigo "Adiquerando".
A IV edición deste medio marathon, xa consolidado na cidade, contará con máis de 1.200 atletas, un número que xa supera a participación do ano pasado. A concelleira de Deportes, Lucía Molares comentou que esta proba supón "un nexo entre o deporte e o turismo".
O Servizo de Normalización Lingüística abre o prazo de inscrición para un curso de iniciación de galego de carácter gratuíto, que terá lugar no edificio Asefal.
<br />