A alcaldesa, Corina Porro, asegurou durante o Consello da Xerencia Municipal de Urbanismo que o goberno local "está dando todos os pasos" para que non se constrúa o edificio proxectado no paseo de Alfonso e que está a suscitar a protestas veciñais por tapar a vista da ría.
A Unidade de Alcoholismo de Vigo, Asvidal, instalou unha mesa informativa na Lonxa do Concello con motivo do Día Mundial da Saúde e que pretende advertir dos riscos de beber durante o embarazo.
O Museo Municipal "Quiñones de León" acolle a mostra "A mirada de Goya", organizada por Ibercaja con motivo da apertura da primeira sucursal da entidade en Vigo. Esta exposición presenta o primeiro Autorretrato ao óleo que se coñece de Goya e unha selección de grabados e litografías.
Exposicións temporais, programas didácticos, cine, concertos e unha xornada de portas abertas conforman o conxunto de actividades que terán lugar no Museo de Arte Contemporánea (MARCO) durante os próximos cinco meses.
Membros da corporación e cidadáns de Vigo mostraron este mediodía o seu rechazo ao último asasinato por violencia doméstica cunha manifestación silenciosa na Praza do Rei.