A Oficina Municipal de Voluntariado ofrece cursos para a realización de actividades solidarias
A Oficina Municipal de Voluntariado ofrece formación a persoas e entidades para a realización de actividades solidarias. En marzo haberá un curso de iniciación ao voluntariado, en abril terá lugar o curso de acompañamento en servizos sociais e agora estase a desenvolver un curso de xestores de voluntariado.
A Oficina Municipal de Voluntariado inclúe na súa oferta formativa varios cursos destinados a persoas e entidades interesadas na realización de actividades solidarias. Dentro do seu programa terá lugar, do 8 ao 17 de marzo, o curso de iniciación ao voluntariado, de oito horas. O prazo para inscribirse nel acaba o 4 de marzo.
Este curso, que se impartirá no Centro Cívico do Casco Vello (rúa Oliva nº12), diríxese ás máis de 350 persoas que están inscritas actualmente na Oficina Municipal de Voluntariado e está aberto tamén a todos os cidadáns. Para participar nel requírese estar inscrito nesta oficina.
O obxectivo do curso de iniciación ao voluntariado é que todos os participantes adquiran unha formación básica como requisito previo á súa acción solidaria, tratando os seguintes temas: identidade e marco legal do voluntario, acompañamento de persoas maiores e de menores, educación ambiental e ocio e discapacidade.
Por outra banda, os días 6, 7 e 9 de abril desenvolverase no Centro Cívico do Casco Vello o curso de acompañamento en servizos sociais, de oito horas, dirixido aos mesmos destinatarios do curso de iniciación ao voluntariado coa finalidade de darlles unha formación máis específica. O prazo de inscrición deste curso está aberto ata o 31 de marzo.
O curso de acompañamento en servizos sociais está pensado para todos aqueles voluntarios que realizan tarefas de acompañamento axudando aos sectores máis necesitados da poboación; isto é, menores, persoas maiores e discapacitados.
Ademais, desde o pasado 26 de febreiro e ata o 5 de marzo, 17 entidades están a participar no Centro Cívico do Casco Vello no curso de xestores de voluntariado, destinado a profesionais de entidades e persoas interesadas na coordinación de proxectos de voluntariado. O obxectivo deste curso é presentar o itinerario de xestión do voluntariado aproximándose aos principais contidos de cada unha das súas fases.
Descargar todas as imaxes
Este curso, que se impartirá no Centro Cívico do Casco Vello (rúa Oliva nº12), diríxese ás máis de 350 persoas que están inscritas actualmente na Oficina Municipal de Voluntariado e está aberto tamén a todos os cidadáns. Para participar nel requírese estar inscrito nesta oficina.
O obxectivo do curso de iniciación ao voluntariado é que todos os participantes adquiran unha formación básica como requisito previo á súa acción solidaria, tratando os seguintes temas: identidade e marco legal do voluntario, acompañamento de persoas maiores e de menores, educación ambiental e ocio e discapacidade.
Por outra banda, os días 6, 7 e 9 de abril desenvolverase no Centro Cívico do Casco Vello o curso de acompañamento en servizos sociais, de oito horas, dirixido aos mesmos destinatarios do curso de iniciación ao voluntariado coa finalidade de darlles unha formación máis específica. O prazo de inscrición deste curso está aberto ata o 31 de marzo.
O curso de acompañamento en servizos sociais está pensado para todos aqueles voluntarios que realizan tarefas de acompañamento axudando aos sectores máis necesitados da poboación; isto é, menores, persoas maiores e discapacitados.
Ademais, desde o pasado 26 de febreiro e ata o 5 de marzo, 17 entidades están a participar no Centro Cívico do Casco Vello no curso de xestores de voluntariado, destinado a profesionais de entidades e persoas interesadas na coordinación de proxectos de voluntariado. O obxectivo deste curso é presentar o itinerario de xestión do voluntariado aproximándose aos principais contidos de cada unha das súas fases.