O bus urbano de Vigo incorpórase ao soporte de Google Maps
Abel Caballero anunciou que xa está activo o cálculo de rutas na plataforma de navegación máis utilizada no mundo.
Como viaxar desde a rúa peonil do Calvario ata o Casco Vello da cidade no transporte público xa pode planificarse con Google Maps. O bus urbano de Vigo intégrase plenamente nesta plataforma que calcula rutas óptimas, estima tempos de chegada e ofrece transbordos detallados.
Caballero lembrou que esta ferramenta xa estaba dispoñible na App Vigo, pero celebra a chegada a Google Maps dando máis opcións tanto á cidadanía de Vigo como ás persoas que visitan a urbe.