O Auditorio Mar de Vigo acolleu o evento no que a cidade amosou a súa consolidación como destino turístico de referencia. Abel Caballero: “O incremento do turismo articúlase en torno ao fenómeno do Nadal de Vigo, proxecto turístico emerxente máis importante de Europa, realizado integramente polo Concello de Vigo”
Na clausura das xornadas “Todo un país de turismo V”, organizadas por eldiario.es, o alcalde puxo en valor o modelo turístico da cidade e reivindicou o Nadal como un dos seus grandes eixos de proxección e atracción de visitantes, destacando a capacidade de Vigo para converter esta celebración nun auténtico motor económico e promocional. No encontro participaron tamén o ministro de Turismo e a secretaria de Estado, ademais doutras entidades e representantes destacados do sector turístico, nun foro que serviu para poñer en común os principais retos e oportunidades do turismo en España.
A Xunta de Goberno Local tamén aprobou o plan de marketing e dinamización da Brincadeira e a creación da web e estratexia de promoción dixital do casco antigo de Bouzas. As tres actuacións están enmarcadas no Plan de Sostibilidade Turística "Casco Histórico da Vila de Bouzas", financiado a cargo dos fondos Next Generation.
Este domingo, 26 de abril, con motivo do Día Europeo dos Xardíns históricos o Concello organiza unha visita guiada para dar a coñecer as características deste recinto do Pazo de Castrelos.
O Concello avanza na programación da Noite Branca dos museos de Vigo, que se celebra o 26 de xuño, coa elección de nove propostas para desenvolver durante a xornada.
O Concello alumea hoxe de cor verde e laranxa as fontes de Aragón con motivo da celebración do Día Nacional da Fibrose Quística, organizada para visibilizar esta enfermidade crónica e hereditaria que afecta gravemente aos sistemas respiratorio e dixestivo. A xornada busca concienciar, reclamar acceso a tratamentos innovadores e mellorar a calidade de vida dos pacientes.