O goberno municipal urbanizará Castro Castriño para unir dúas zonas verdes
Abel Caballero anunciou que o goberno local investirá 250.000 euros nesta zona de Tomás Alonso. A Xunta de Goberno aprobou tamén o convenio de colaboración coa Asociación Rede de Mulleres Veciñais contra os Malos Tratos cun importe de 80.300 euros.
Castro Castriño será accesible desde a rúa Tomás Alonso. Abel Caballero anunciou que o goberno local porá en marcha as obras para finalizar o acceso rodado, garantir a unión peonil de dúas zonas verdes e abrir al público a zona lindeira con Tomás Alonso, hoxe non aberta á cidadanía. O investimento no parque será de 250.000 euros.
Igualdade
Caballero tamén deu conta da aprobación do convenio coa Asociación Rede de Mulleres Veciñais contra os Malos Tratos cun importe de 80.300 euros. A Xunta de Goberno deu luz verde á colaboración con esta entidade para apoiar os proxectos de acompañamento profesional ás mulleres vítimas da violencia machista, a súa recuperación no ámbito psicolóxico e social, programas de prevención e concienciación así como formación con perspectiva de xénero.