As obras do novo ascensor entre Marqués de Valterra e Torrecedeira comezarán no mes de abril
O alcalde anunciou a data do inicio da obra deste novo elemento do Vigo Vertical. Súmase ao corredor da zona e ambas as rúas estarán conectadas por dous ascensores. O importe será de 1.018.416 euros e un prazo de execución de 8 meses.
Vigo terá un novo ascensor que unirá as rúas Marqués de Valterra e Torrecedeira. Abel Caballero anunciou que as obras comezarán en abril e que o novo elemento supón un investimento de máis dun millón de euros. O prazo de execución é de 8 meses.
O rexedor detallou que o elevador, que contrará cun exterior acristalado, servirá para salvar un desnivel de 11 metros. Ademais, na parte alta contará cunha pasarela de acceso para acceder á zona de Torrecedeira. A obra suporá a humanización das beirarrúas, a renovación do pavimento, da rede de canalizacións de pluviais, rega, iluminación e de mobiliario urbano. A isto sumarase a plantación de novas árbores. “Con esta actuación, avanzamos en completar un dos grandes corredores da cidade”, concluíu na súa intervención.