Caballero celebra que o Goberno de España invista 5,2 millóns no novo edificio de cultivos do IEO
O BOE publicou esta mañá a licitación da redacción do proxecto de obras para a construción do novo edifico de cultivos do IEO en Vigo. Cun investimento de 5,2 millóns, o prazo de execución está fixado en doce meses.
O alcalde celebrou esta mañá que o Goberno de España dedique máis de 5,2 millóns de euros para as obras do novo edificio de cultivos do Centro Oceanográfico de Vigo. O Boletín Oficial do Estado publicou hoxe o proxecto de obras, cun prazo de redacción e de execución de seis e doce meses, respectivamente.
O proxecto prevé a demolición do actual edificio de cultivos e a construción dun novo, cun deseño moderno, funcional e enerxeticamente eficiente que terá una superficie duns 2.205 m2. Esta infraestrutura permitirá consolidar o liderado en acuicultura mariña do COV.