Todos os grupos esixen a Novagalicia Banco a devolución dos cartos dos afectados polas preferentes
O Pleno da Corporación acordou por unanimidade reclamar á Xunta que apoie aos afectados polas preferentes dirixíndose á Novagalicia Banco para que se allane a demanda xudicial interposta pola Fiscalía Superior de Galicia.
Os tres grupos con representación municipal decidiron na sesión desta mañá apoiar aos afectados polo fraude das preferentes dirixíndose á Xunta de Galicia para que, a súa vez, interceda con Novagalicia Banco para que allane o demanda xudicial interposta pola Fiscalía Superior de Galicia. Na moción presentada polo grupo socialista e aprobada cunha emenda do BNG, abógase por obter unha sentenza xudicial vinculante no ordenamento xurídico español e comunitario, que obrigue á devolución do aforros aos afectados defraudados.
Por outra banda, os votos de nacionalistas e socialistas deron luz verde a outra moción socialista na que instan ao Goberno central a eliminar as medidas para que permitan unha austeridade xusta, que fomente o crecemento económico e que dea confianza ao pais fronte aos recortes sen xeito nin dereito que caracterizan ao Executivo. O texto aprobouse con voto en contra do PP e unha adenda do BNG na que se solicita unha reforma en profundidade baseada nunha reforma fiscal con criterios de progresividade, a imposición sobre os movementos do capital, así como unha reforma das administracións públicas baseadas na racionalidade, que comtemple a supresión das deputacións, a redución do gasto militar e da Casa Real.
Outro dos acordos alcanzados esta mañá pasa por instar á Xunta de Galicia a asinar de forma inmediata o convenio de prevención de drogodependencias así como a manter o mesmo finanzamento que no ano 2011. A moción defendida pola concelleira Isaura Abelairas, que contou co apoio do BNG e a abastención do PP, destacou a importancia desta aportación económica que no ano 2011 permitiu ao Concello de Vigo desenvolver 266 accións para 10.031 usuarios.
Por outra banda, os votos de nacionalistas e socialistas deron luz verde a outra moción socialista na que instan ao Goberno central a eliminar as medidas para que permitan unha austeridade xusta, que fomente o crecemento económico e que dea confianza ao pais fronte aos recortes sen xeito nin dereito que caracterizan ao Executivo. O texto aprobouse con voto en contra do PP e unha adenda do BNG na que se solicita unha reforma en profundidade baseada nunha reforma fiscal con criterios de progresividade, a imposición sobre os movementos do capital, así como unha reforma das administracións públicas baseadas na racionalidade, que comtemple a supresión das deputacións, a redución do gasto militar e da Casa Real.
Outro dos acordos alcanzados esta mañá pasa por instar á Xunta de Galicia a asinar de forma inmediata o convenio de prevención de drogodependencias así como a manter o mesmo finanzamento que no ano 2011. A moción defendida pola concelleira Isaura Abelairas, que contou co apoio do BNG e a abastención do PP, destacou a importancia desta aportación económica que no ano 2011 permitiu ao Concello de Vigo desenvolver 266 accións para 10.031 usuarios.