Escoitar

aqualia e o Concello de Vigo presentan os novos vehículos de limpeza de sumidoiros

O Concello de Vigo e aqualia presentaron hoxe os novos vehículos de limpeza de sumidoiros que están dotados coas últimas tecnoloxías e capaces de minimizar os efectos acústicos ata nun 35%. No seu compromiso co coidado medioambiental, o Concello de Vigo e aqualia adquiriron estes dous novos vehículos, que xa están adaptados á futura normativa ambiental europea de emisión de partículas á atmosfera, prevista para 2010.

martes, 25 nov 2008
1227619461fotocaminions.jpg
No acto de presentación, a concelleira de Vías e Obras, Isaura Abelairas, resaltou que "a incorporación destes novos vehículos son a mostra do compromiso que desde o Concello de Vigo temos co entorno. É importante que ademais de actitudes, apliquemos a sustentabilidade a todos e cada un dos ámbitos da nosa vida diaria e, por suposto tamén na limpeza da nosa cidade. Nesta liña estamos traballando e seguiremos poñendo en marcha iniciativas que permitan a Vigo desenvolverse en compromiso co medio ambiente".

Tecnoloxía aplicada á cidade
Os camións mixtos aspiradores están equipados cun sistema cunha presión e caudal de agua que garanten unha perfecta e máis rápida limpeza da rede de saneamento. Para a aspiración, os vehículos contan cun sistema especial capaz de succionar os sedimentos sólidos coma pedras, areas ou restos de madeiras depositados nos areneros dos sumidoiros. Os equipos de limpeza levan incorporado unha trompa de aspiración telescópica que lles permite acadar zonas de difícil acceso ou espazos ocupados por coches estacionados. Grazas á integración dun sistema de carrete porta mangueiras facilítase o acceso dos vehículos aos pozos de rexistro. Ademais a grúa hidráulica coa que contan, axuda ao persoal na realización dos traballos minimizando así os seus esforzos.

Os camións están dotados dun mecanismo especial para axilizar a descarga diaria dos residuos extraídos e incorporan un tercer eixo autodireccional que lles confire unha gran capacidade de manobra na cidade.

A maior infraestrutura de Galicia
aqualia é a empresa concesionaria da xestión integral do auga en Vigo desde 1991. En Vigo, aqualia conta cunha rede de distribución de 1.027 Km. e abastece a máis de 300.000 habitantes, o que a convirte na maior infraestrutura de Galicia. Na cidade de Vigo, aqualia conta con empregados altamente cualificados nas diversas áreas para ofrecer a xestión integral do servizo público de auga.

aqualia é a 5ª compañía de xestión de auga do mundo. Actualmente atende a 26 millóns de habitantes en máis de 1.100 municipios. En España está presente en máis de 800 municipios, con Delegacións Territoriais en Madrid, Sevilla, Barcelona, Vigo, Oviedo, Bilbao, Badajoz, Lérida, Palma de Mallorca, Salamanca, Puerto de la Cruz, Toledo e Murcia. En 2007, foi elixida Mellor Compañía de Xestión de Auga do ano en todo o mundo pola prestixiosa publicación internacional Global Water Intelligence, un recoñecemento que premia a súa evolución nos últimos anos e a súa traxectoria internacional. No exterior, conta con oficinas en Argelia, Dubai, Portugal, Méjico, Italia e República Checa.
Descargar todas as imaxes