O Diario Oficial da Unión Europea ven de publicar a licitación da nova Estación Depuradora de Augas Residuais de Vigo, por un valor total de 205,6 millóns de euros. Segundo os prazos adiantados polo alclade, o Boletín Oficial do Estado publica nestes días o anuncio, o próximo 28 de marzo abriran as ofertas e adxudicarase o 8 de xullo de 2011.
O alcalde de Vigo visitou este xoves os traballos de reforma e acondicionamento das instalacións deportivas da ETEA, onde estimou que a inicios do próximo mes de abril poderán estar abertas ao público. Esta reforma integral, "das máis demandadas desta cidade", conleva un investimento de 850.000 euros para a mellora da piscina, o pavillón deportivo, os vestíbulos e accesos.
A concelleira de Benestar Social, María Méndez, presentou este xoves as iniciativas que o seu departamento ten posto en marcha destinadas aos colectivos máis desfavorecidos da cidade. Na presentación destas medidas, a concelleira nacionalista anunciou que o dispositivo de emerxencia contra o frío estará aberto dende hoxe durante doce horas diarias, en horario de 21 a 9 horas.
O alcalde de Vigo e Óscar Pereiro reuníronse este xoves para estudar as posibles vias de cooperación na cidade olívica do Concello coa Fundación que dirixe o ciclista de Mos. Segundo apuntou Caballero, as accións conxuntas irán destinadas a fins sociais -particularmente a recabación de fondos contra o cancro- e tamén se estuda a promoción do uso da bicicleta entre a xuventude viguesa.
A concelleira de Xuventude, Igualdade e Normalización Lingüística, Iolanda Veloso, presentou este xoves dous campamentos de Nadal destinados a rapaces e rapazas que se desenvolverán na Casa das Mulleres e no museo Verbum. Segundo destacou a edil do BNG, é "a primeira ocasión" que se ofrecen estas actividades na época de Nadal, que teñen por obxectivo "ofrecer actividades de lecer aos cativos e cativas que sexan medidas de conciliación da vida laboral e familiar".
O concelleiro de Deportes, Xabier Alonso, fixo hoxe un chamamento aos vigueses e viguesas para que participen na quinta edición da Subida ao Castro, que se correrá o vindeiro domingo, 12 de decembro ás 12 horas, con saída dende o Náutico e chegada ao Castelo de San Sebastián. O nacionalista destacou que nesta convocatoria hai xa 250 corredores inscritos, cifra que calificou de "un récord para esta proba". O prazo de inscrición está aberto ata mañá no centro comercial Gran Vía de forma gratuita.
A programación estable das artes escénicas que a Concellería de Cultura e Animación Sociocultural organiza no remodelado Auditorio Municipal continúa mañá, 10 de decembro, coa obra "O forno", unha comedia xestual que inclúe música en directo. A actuación, a cargo da compañía Elefante Elegante Teatro, será ás 21 horas e o prezo das entradas é de 7 euros. Pódense mercar na web www.laboleteria.es ou na propia taquilla unha hora antes do comezo do espectáculo.
Abel Caballero recibiu na tarde deste xoves aos membros da Federación de Peñas Recreativas "El Olivo", entidade que aproveitou a visita para presentar á nova xunta directiva. Durante preto dunha hora alcalde e membros da Federación realizaron un repaso aos proxectos de El Olivo e a temas de actualidade.