mércores, 14 outubro 2009

O alcalde asegura que o millón y medio de metros cadrados de solo industrial en marcha indican que "esta cidade está empezando a superar a crise"

Abel Caballero mantivo este mércores unha reunión cos responsables das compañías instaladas no parque comercial de A Gandariña, no Meixueiro, no que o emprego total supearará as 400 persoas unha vez abran as tres entidades restantes. O alcalde destacou que "todas as empresas importantes" en Europa mostran interese en operar en Vigo e cifrou en case millón e medio os metros cadrados de solo industrial en desenvolvemento.

Nova edición dos cursos de educación viaria para escolares da Policía Local

mércores, 14 out 2009

Abel Caballero acudiu este mércores ao Colexio Escolas Nieto para presenciar o inicio dos cursos de Educación Viaria que imparte a Policía Local a máis de 16.000 escolares de primaria. O alcalde destacou o "coñecemento elevado" das normas de tráfico mostrado polos nenos e non desbotou a posibilidade de incrementar ata 20.000 os estudantes participantes en futuras edicións.

A Semana de Teatro Afeccionado celebrarase no SCD Atlántida de Matamá do 15 ao 18 de outubro

mércores, 14 out 2009

O concelleiro de Cultura, Xesus López, anunciou hoxe que mañá dará comezo a quinta edición da Semana de Teatro Afeccionado da Agrupación de Centros Deportivos e Culturais, que terá lugar no SCD Atlántida de Matamá ás 20.30 horas, de entrada gratuíta. O edil explicou que o programa, que inclúe catro representacións, comezará coa interpretación de "Infinitas posibilidades" a cargo da compañía Lareira Teatro.

Comezo do programa "Unha lección de cine", con sete películas en galego dirixidas a estudantes de secundaria

mércores, 14 out 2009

A concelleira de Normalización Lingüística, Iolanda Veloso, anunciou que o xoves, 15 de outubro, comezará unha nova edición do programa "Unha lección de cine", dirixida a alumnos e alumnas de secundaria. Na presentación da iniciativa, na que tamén participou o xerente dos cines Yelmo-Cineplex do Centro Comercial Travesía, Xabier Roibas, a edil destacou que esta convocatoria "pretente amosar aos rapaces e rapazas a posibilidade de ver cine comercial en galego".

Tenencia de Alcaldía asegura a continuidade da colaboración para recuperar a memoria fotográfica e histórica de Teis

mércores, 14 out 2009

O tenente de alcalde, Santi Domínguez, asegurou que seguirá colaborando coa Asociación Veciñal de Teis na recuperación da memoria fotográfica e histórica do barrio. O concelleiro anunciouno o martes na presentación da revista "Escola de Maiores de Teis", na que tamén participaron a concelleira de Benestar Social, María Méndez, o concelleiro de Deportes, Xabier Alonso, así como unha nutrida representación da Asociación Veciñal encabezada polo seu presidente, Avelino Quirós.