O alcalde de Vigo, Abel Caballero, xunto á tenente de alcalde, Carmela Silva, e á edil de Urbanismo, María Xosé Caride, asinaron este luns o contrato á empresa que se encargará da redacción do plan parcial de Balaídos, un desenvolvemento industrial que inclúe a cesión de 50.000 metros cadrados a PSA para que a factoría viguesa poida optar á fabricación dun novo vehículo.
O alcalde avanzou que o Concello cederá en setembro preto de 5.000 m2 á Xunta de Galicia para construir a Cidade da Xustiza. Cun custo para as arcas municipais de case 4 millóns de euros -dos que 2,6 foron investidos en expropiacións-, Caballero lembrou o compromiso de Feijóo de licitar o proxecto este mesmo ano.
Abel Caballero visitou este luns os murais realizados nas fachadas interiores das comunidades de propietarios das rúas Regueiro, Barcelona, Zaragoza e Salamanca, firmados por Zowone e Gonzalo Alonso. O rexedor garantíu que o programa continuará en próximos anos: "a arte urbana ocupa xa un espazo fundamental en tantas e tantas cidade e nós queremos que o ocupe en Vigo", afirmou.
Na Xerencia de Urbanismo deste venres, segundo deu conta hoxe Abel Caballero, o goberno de Vigo adxudicou un novo piso en República Argentina, e eleva case 3 millóns a cifra recadada na poxa das vivendas. En total, o Concello ten case 5 millóns para expropiar os terreos mentres que a Xunta Galicia, encargada de construila, non ten partida orzamentaria, segundo denunciou o alcalde.