O Concello iniciou a tramitación para ordenar e recuperar a fachada marítima de Bouzas amparándose nunha disposición transitoria da Lei de Costas. Con ese obxectivo, o goberno local tratará de modificar o Plan Especial de Bouzas para regularizar unha situación que desde o ano 2006 afecta a 24 parcelas.
Este luns tivo lugar o acto formal de entrega da instalación, construída pola Fundación Amancio Ortega con 3,5 millóns de investimento. Abel Caballero avanzou que os usuarios de Santa Marta -que non abrirá o próximo curso pola obra do Barrio do Cura- terán “preferencia” na admisión.
Abel Caballero insiste na necesidade de apurar a ampliación do Ifevi dado que os prazos que prantexa a Xunta “van moi xustos” cando anuncia que os traballos van a comezar en maio. Lembra a importancia de que este proxecto estea listo para a próxima edición de Conxemar.
O alcalde enviará unha carta ao ente notificándolle a intención municipal de alugar unha quincena de locais comerciais e de oficinas, actualmente desocupados, para "dinamizar o Casco Vello" e polos que aboaría 30.000 euros anuais.
No centro, a obra discorre baixo terra co cimentado do trazado do paso inferior, cos micropilotes de suxeición xa instalados e a monitorización de “centos de vivendas e locais comerciais” para rexistrar eventuais alteracións. En Lepanto, o Concello está colocando os pilotes na entrada do túnel á autoestrada.
O proxecto gañador do concurso de ideas inclúe dous ascensores e prevé un novo miradoiro na conexión con Vía Norte. Trátase, en verbas do rexedor, dunha “escultura cun deseño excepcional” que estará operativo nun prazo estimado de dous anos e que conta cun orzamento de 7,2 millóns.
A concelleira de Urbanismo, María Xosé Caride, explicou este venres que o goberno municipal concedeu a licenza de demolición aos propietarios en xullo de 2020, cando recibiron a autorización de Patrimonio da Xunta de Galicia logo de oito anos de procedemento coa administración autonómica.
Caballero deu conta esta mañá da sentenza “categórica e contundente” do TSXG que desestima a pretensión da Xunta de paralizar a ramplas da Gran Vía. En rolda de prensa, insistiu en que a negativa a autorizar este proxecto foi “premeditada e planificada” por Feijóo ao que esixiu “pedir perdón á cidade”.
A Xerencia de Urbanismo celebrada este martes tomou coñecemento das resolucións municipais de inicio dos expedientes para subvencionar a iluminación de inmobles catalogados e a colocación de elevadores e mellorar á accesibilidade en edificios antigos, ambas convocatorias correspondentes ao presente ano, informou Abel Caballero.
O Tribunal Superior de Xustiza de Galicia acaba de comunicar ao Concello de Vigo unha sentenza que desestima un recurso interposto contra o instrumento de ordenación provisional aprobado polo Pleno do 24 de xullo de 2019.